Belgılı mänerlep syrǧanauşy Denis Tennıŋ ölımıne bailanysty dep sottalǧan Janar Tolybaeva bostandyqqa şyqty, dep habarlaidy “Adyrna” ūlttyq portaly IIM qylmystyq-atqaru jüiesı komitetınıŋ baspasöz qyzmetıne sılteme jasap.
Tolybaeva 2021 jyldyŋ jeltoqsanynda QAJ mekemesınen şyǧarylǧan. Ol 2019 jyly qylmys turaly habarlamaǧany üşın 4 jylǧa bas bostandyǧynan aiyryldy. Koloniiada jürıp, balasyn düniege äkeldı.
Qaiǧyly oqiǧa 2018 jyldyŋ 19 şıldesınde Almatyda bolǧan. Denis kafeden şyǧyp, kölıgınıŋ ainalaryn ekı jıgıttıŋ ūrlap jatqanyn köredı. Qaşa jönelgen olardy quyp jetken sportşyǧa bır ūry jambasynan pyşaq salady. Nätijesınde arteriia zaqymdalyp, qan qöp ketedı. Keiın auruhanada köz jūmdy.
Sot 2019 jyldyŋ basynda sportşynyŋ ölımıne qatysty sottalǧandarǧa ükım şyǧardy.
Arman Qūdaibergenov "Ūrlyq", "Qaraqşylyq" jäne "Adam öltıru" boiynşa aiypty dep tanylyp, 18 jylǧa sottaldy. Nūraly Qiiasovqa "Adam öltıru" jäne "Qaraqşylyq" baptary boiynşa 18 jylǧa bas bostandyǧynan aiyru jazasy kesıldı.
Janar Tolybaeva "Qylmys turaly habarlamau" boiynşa kınälı dep tanyldy. Ol 4 jylǧa bas bostandyǧynan aiyryldy. Is barysynda onyŋ jüktı ekenı belgılı boldy. Ol ekınşı balasyn türmede bosandy. Ol jazasyn balasymen bırge Almaty oblysy Jauǧaşty auylyndaǧy LA-155/4 tüzetu mekemesınde ötedı.
Tolybaeva balasyn bosanǧannan keiın bır jyldan astam uaqyt bostandyqta bolǧan, alaida koloniianyŋ sot alqasynyŋ uaqytynda marqūmnyŋ tuystaryna sottaluşynyŋ sotqa ötınış tüsırgenı turaly eşqandai eskertu jıbermegendıkten qaita toǧytylǧan.
"Zaŋ boiynşa auyr qylmys kezınde jazanyŋ üşten bır bölıgın ötep, şyǧuǧa bolady. Eger eşqandai zaŋbūzuşylyq bolmasa, türme ışındegı tärtıp jaqsy bolsa, jazany jeŋıldetedı. Osy merzımdı ötegennen keiın sotqa aryz jazdym. Balamen būl jerde otyrǧan maǧan da oŋai emes. Sot şeşımımen menıŋ jazam 73-bap boiynşa bas bostandyǧyn şekteuge auystyryldy. Bıraq 1 jyl 3 aidan keiın qaitadan osy jerge, jalpy koloniiaǧa oralyp otyrmyn", - degen edı Tolybaeva Sputnik Qazaqstanǧa bergen sūhbatynda.
“Adyrna” ūlttyq portaly
