Qazaqstandyq belgili shahmatshy Bıbisara Asaýbaeva Gınnestiń rekordtar kitabyna endi, dep habarlaıdy “Adyrna” ulttyq portaly Sport mınıstrliginiń baspasóz qyzmetine silteme jasap.
«Qazaqstandyq shahmatshy Bıbisara Asaýbaeva Gınnestiń rekordtar kitabyna endi. Eń jas álem chempıony atanǵan Bıbisara 17 jasynda osy uıymnyń arnaıy sertıfıkatyna ıe boldy» delingen QR Mádenıet jáne sport mınıstrliginiń baspasóz qyzmeti habarlamasynda.
Uıymnyń resmı qujatynda «áıelder arasynda blı boıynsha eń jas álem chempıony qazaqstandyq Bıbisara Asaýbaeva 2004 jyly 26 aqpanda dúnıege kelgen» jáne «2021 jyly Varshavada (Polsha, 2021 jyl 30 jeltoqsan) ótken blı boıynsha álem chempıonatynda 17 jas 307 kúnde jeńiske jetti» -delingen.
Odan keıin Assaýbaeva «blı» boıynsha birinshi oryn alyp, áıelder arasynda álemdik shahmat tarıhyndaǵy eń jas shahmatshy atandy.
Sondaı-aq, osy chempıonatta Bıbisara jyldam shahmattan (Rapıd) 2 orynǵa ıe boldy. Sheshýshi oıyndarda Bıbisara tájirıbeli grýzın shahmatshysy, grossmeıster Nana Dzagnıdzeni, jerlesi Ásel Serikbaıdy jeńip, halyqaralyq chempıonattyń jeńimpazy grossmeıster Aleksandra Kostenıýkpen teń tústi.
“Adyrna” ulttyq portaly
