Qazaqstan qurylysshylar odaǵy óziniń saıası partııasyn quratynyn jarııalady, dep habarlaıdy “Adyrna” ulttyq portaly.
«31 naýryzda ótken esep berý konferenııasynda qurylysshylar, jasaýshylar, óndirýshiler – «Eńbek» partııasyn qurýdy usyndy. Biz eńbek adamdarymyz, búgingi qabyldanyp jatqan zańdar tıimdi bolyp, qarapaıym qazaqstandyqtar ıgiligin kórýi úshin bizge jumys isteýge múmkindik berý kerek», - dedi Qurylysshylar odaǵy prezıdıýmynyń tóraǵasy Talǵat Erǵalıev. Bul týraly sársenbi kúni baspasóz máslıhatynda habarlady.
Onyń aıtýynsha, Qazaqstanda qurylys salasynyń máseleleri uzaq jyldar boıy sheshimin tappaı keledi: qurylys salasy damymaǵan, el ımportqa táýeldi, qazaqstandyqtar baspanamen qamtamasyz etilmegen. Bul rette qoǵamdyq birlestik jaǵdaıdy túbegeıli ózgerte almaıdy.
«Biz zań shyǵarý proesine yqpal etýdi, qoldaýdy, kómektesýdi, jedeldetýdi, qatysýdy qalaımyz. Biz bıznestiń naqty ózin-ózi retteýine qol jetkizgimiz keledi», - dedi Erǵalıev partııanyń qurylý sebebin túsindirip.
Jańa partııa baǵdarlamasynda: qoljetimdi baspana baǵasy; qazaqtar 8-10 jylda óteı alatyn tómen paıyzdyq ıpoteka; eldegi óndiristi damytýǵa jáne azamattardyń ómirin jaqsartýǵa baǵyttalǵan barlyq reformalar bar.
“Adyrna” ulttyq portaly
