Qazaqstannyń Ulttyq qaýipsizdik komıtetin qaıta qurý josparlanyp otyr. UQK tóraǵasynyń tıisti jarlyq jobasy "Ashyq NQA" portalynda jarııalanǵan, dep habarlaıdy “Adyrna” ulttyq portaly.
Atap aıtqanda, myna qurylymdar qaıta qurylady:
Aqparatty tehnıkalyq qorǵaý ortalyǵy men Aqparattyq qaýipsizdik salasynda mamandar daıarlaý jáne olardyń biliktiligin arttyrý ortalyǵy Aqparatty tehnıkalyq qorǵaý men memlekettik qupııalardy qorǵaý salasynda mamandar daıarlaý ortalyǵymen biriktiriledi;
Mańǵystaý oblysy shekara qyzmeti departamentinen UQK Shekara qyzmetiniń "Aqtaý" jabdyqtaý basqarmasyn bólip shyǵarady;
Almaty oblysy shekara qyzmeti departamentinen UQK Shekara qyzmetiniń "Almaty" jabdyqtaý basqarmasyn bólip shyǵarady;
Shyǵys Qazaqstan oblysy shekara qyzmeti departamentinen UQK Shekara qyzmetiniń "Jańǵyztóbe" jabdyqtaý basqarmasyn bólip shyǵarady;
UQK Avıaııalyq basqarý mekemesi UQK Avıaııa qyzmetine qosylady.
Al Ulttyq qaýipsizdik komıteti quramynda myna qurylymdar qalady: Avıaııalyq qyzmet, Shekara qyzmeti, Syrtqy barlaý qyzmeti, Úkimettik baılanys qyzmeti jáne "A" arnaýly maqsattaǵy qyzmeti.
”Adyrna” ulttyq portaly
