قازاقستاننىڭ ۇلتتىق قاۋىپسىزدىك كوميتەتىن قايتا قۇرۋ جوسپارلانىپ وتىر. ۇقك توراعاسىنىڭ ءتيىستى جارلىق جوباسى "اشىق نقا" پورتالىندا جاريالانعان، دەپ حابارلايدى “ادىرنا” ۇلتتىق پورتالى.
اتاپ ايتقاندا، مىنا قۇرىلىمدار قايتا قۇرىلادى:
اقپاراتتى تەحنيكالىق قورعاۋ ورتالىعى مەن اقپاراتتىق قاۋىپسىزدىك سالاسىندا ماماندار دايارلاۋ جانە ولاردىڭ بىلىكتىلىگىن ارتتىرۋ ورتالىعى اقپاراتتى تەحنيكالىق قورعاۋ مەن مەملەكەتتىك قۇپيالاردى قورعاۋ سالاسىندا ماماندار دايارلاۋ ورتالىعىمەن بىرىكتىرىلەدى;
ماڭعىستاۋ وبلىسى شەكارا قىزمەتى دەپارتامەنتىنەن ۇقك شەكارا قىزمەتىنىڭ "اقتاۋ" جابدىقتاۋ باسقارماسىن ءبولىپ شىعارادى;
الماتى وبلىسى شەكارا قىزمەتى دەپارتامەنتىنەن ۇقك شەكارا قىزمەتىنىڭ "الماتى" جابدىقتاۋ باسقارماسىن ءبولىپ شىعارادى;
شىعىس قازاقستان وبلىسى شەكارا قىزمەتى دەپارتامەنتىنەن ۇقك شەكارا قىزمەتىنىڭ "جاڭعىزتوبە" جابدىقتاۋ باسقارماسىن ءبولىپ شىعارادى;
ۇقك اۆياتسيالىق باسقارۋ مەكەمەسى ۇقك اۆياتسيا قىزمەتىنە قوسىلادى.
ال ۇلتتىق قاۋىپسىزدىك كوميتەتى قۇرامىندا مىنا قۇرىلىمدار قالادى: اۆياتسيالىق قىزمەت، شەكارا قىزمەتى، سىرتقى بارلاۋ قىزمەتى، ۇكىمەتتىك بايلانىس قىزمەتى جانە "ا" ارناۋلى ماقساتتاعى قىزمەتى.
”ادىرنا” ۇلتتىق پورتالى