Aqtauda köşe sypyruşylar narazylyqqa şyqty. 500-ge juyq kommunaldyq mekeme jūmysşylary jalaqy köterudı talap etude. Tıptı janaiqaiyn jetkızu üşın joldy jauyp tastady. Būl turaly KTK telearnasy mälımdedı, dep habarlaidy “Adyrna” ūlttyq portaly.
«Bärınıŋ üiı joq. Taŋǧy saǧat 5te şyǧyp, üiıne keşkı 8-de qaitady. Bärı äielder. Osy jerdegı erkekter daiyn tamaq pen daiyn tösekke barǧany bolmasa. Basynda ereuılge şyǧamyz dep oilamadyq. Ainalǧanda tenderdıŋ mäselesı küşeiıp ketkennen keiın, sol sebeptı osyndaiǧa keldık …», – deidı tazalyqşylar.Kün ūzaqqa köşe sypyryp qalanyŋ qoqysyn şyǧaratyndar älı künge nauryz aiynyŋ jalaqysyn almapty. Ekı jyldan berı eŋbek demalysyna da şyqpaǧan. Sondyqtan joldy jabuǧa deiın barǧan jūmysşylar ailyqty 30 paiyzǧa ösırudı talap ettı. Al qala tazalaǧyna jauapty mekeme basşylary köşe sypyruşylardyŋ aqşasyn jyl saiyn 10 paiyzǧa köterıp jatyrmyz dep aqtaldy. Mäselen, byltyr 67 myŋ teŋgeden 83 myŋǧa köbeiıptı. Al biyl 90 myŋ teŋgege jettı deidı. Aldaǧy uaqytta taǧy 6 myŋ teŋgeden qosylady dep josparlaǧan. Bıraq biyl tender toqtap qalyp, qarjy qolbailau bolyp otyr deidı.
«Bız memlekettık satyp alu konkursyn ötkızdık Aqtau qalasy äkımdıgı, üş jylǧa. Memlekettık satyp alu konkursy boiynşa bırneşe mekeme qatysyp, jeŋımpaz anyqtaldy. Bıraq memlekettık audit mekemesı tekserıp, bırınşı konkurstyŋ qorytyndysyn būzyp tastady. Keiın qaitalap şyǧarǧan bolatynbyz. Qazır jeŋımpaz anyqtaldy. Sonymen qatar qatysqan üşınşı mekeme aryz jazuyna bailanysty toqtap tūr. Sol sebepten bız qala äkımdıgı myna mekemege tiıstı qarajatty tölei almai otyr», – deidı Aqtau qalasy äkımınıŋ orynbasary Alpysbai Taubaev.
Ūqsas jaŋalyqtar
