Reseı FSB-niń besinshi qyzmetinde «ýkraın máselesimen» aınalysqan jáne Pýtınge Ýkraınadaǵy jaǵdaı týraly aqparat bergen qyzmetkerler arasynda «tazalaý» júrgizildi. Bul týraly Bellingcat komandasynyń zertteýshi jýrnalısi Hrısto Grozev reseılik oppozıııalyq Popular Politics arnasyna bergen suhbatynda málimdedi, dep habarlaıdy «Adyrna».
Jýrnalıst FSB 5-shi qyzmetiniń burynǵy bastyǵy, general-polkovnık Sergeı Besedanyń tergeý ızolıatoryna aýystyrylǵanyn rastady.Onyń telefony eki aptadan beri ajyratylǵan.
Grozevtiń aıtýynsha, Ýkraınaǵa taratylǵan jedel aqparat jáne halyqaralyq baılanys qyzmetiniń (FSB 5-shi qyzmeti) qyzmetkerleri «tazalaýǵa» túsken. Olardyń sany – 150 ofıer.
«Men olardyń edáýir bóligi tutqyndalmaǵan bolsa, FSB-da jumys istemeıdi dep aıta alamyn. Tazartý jumystary sózsiz ótedi. Bir-eki kúnnen keıin biz bul oqıǵa týraly naqty aqparat jarııalaı alamyz dep úmittenemin. Bul adamdardyń taǵdyry», - dedi jýrnalıst.
Besinshi qyzmet (resmı ataýy – Jedel aqparat jáne halyqaralyq qatynastar qyzmeti) FSB-nyń sheteldik seriktestermen, sonyń ishinde AQSh agenttikterimen qarym-qatynasyna qatysty qyzmetpen aınalysady. Qyzmettiń ishinde FSB syrtqy barlaý fýnkııalaryn oryndaıtyn Jedel aqparat departamenti (DOI) bar.
Jýrnalısterdiń pikirinshe, dál sol Reseı prezıdenti Vladımır Pýtındi Ýkraınadaǵy basyp alý qarsańyndaǵy saıası oqıǵalar týraly aqparatpen qamtamasyz etýge jaýapty bolǵan.
11 naýryzda reseılik arnaıy qyzmetke mamandanǵan jýrnalıst Andreı Soldatov Besedanyń úıqamaqqa alynǵany týraly birinshi bolyp habarlady, keıin ony Bellingcat jýrnalısi Hrısto Grozev rastady.
«9 sáýirde Beseda Lefortovo tergeý ızolıatoryna aýystyryldy», - dedi Soldatov
«Adyrna» ulttyq portaly.
