Bügın, 11 säuırde QR Mädeniet jäne sport ministrı Däuren Abaevtyŋ töraǧalyǧymen Qazaqstan Respublikasy Ükımetınıŋ janyndaǧy respublikalyq onomastika komissiiasynyŋ otyrysy öttı. Otyrysta jaŋa oblystardyŋ atauy maqūldandy, dep habarlaidy "Adyrna" ūlttyq portaly.
Komissiia otyrysy aiasynda Şyǧys Qazaqstan, Qaraǧandy jäne Almaty oblystary äkımdıkterınıŋ jaŋadan qūrylǧan Abai, Ūlytau jäne Jetısu oblystaryna ataular beru turaly ūsynystary qaraldy. Sondai-aq, memleket menşıgındegı jekelegen nysandardy, sondai-aq Nūr-Sūltan, Almaty, Aqtöbe, Qaraǧandy, Qyzylorda, Qostanai, Pavlodar qalalaryndaǧy köşelerdı qaita atau mäselelerı qaraldy.
«Özderıŋız bıletındei, Memleket basşysy Qazaqstan halqyna Joldauynda bırqatar äkımşılık-aumaqtyq özgerısterdı atap öttı. Olardyŋ barlyǧy tereŋ ekonomikalyq negızdemege ie, orasan zor multiplikativtık äserı bar. Degenmen eŋ bastysy-qoǧamdyq pıkırdı eskeru maŋyzdy. Endı Qazaqstanda öz oblys ortalyqtary bar jaŋa oblystar paida bolady. Atap aitqanda, Semei qalasy jaŋa Abai oblysynyŋ ortalyǧyna, Jezqazǧan jaŋadan qūrylǧan Ūlytau oblysynyŋ ortalyǧyna ainalady, osyndai özgerıster Almaty oblysyna da qatysty», - dedı ministr.Kez kelgen qalany, eldı mekendı nemese köşenı qaita atau onomastika salasyn retteitın zaŋnama talaptaryna säikes jüzege asyrylatynyn atap ötu qajet. Komissiia kelıp tüsken ūsynystardy qaraidy jäne qorytyndy beredı. Oŋ qorytyndy bolǧan kezde qaita atau turaly şeşım Qazaqstan Respublikasy Prezidentınıŋ Jarlyǧymen bekıtıledı. Otyrys qorytyndysy boiynşa komissiia müşelerı äkımdıkterdıŋ ūsynysyn maqūldady. Jaqyn arada komissiianyŋ qorytyndysy daiyndalyp, zaŋnamaǧa säikes odan ärı jūmys ısteu üşın oblystardyŋ äkımdıkterıne jıberıletın bolady. Būǧan deiın respublikalyq onomastika komissiiasy Qapşaǧai qalasyn Qonaev dep qaita atau turaly oŋ qorytyndy bergen bolatyn.
"Adyrna" ūlttyq portaly
