Mūǧalım bolyp jūmysqa ornalaspaq bolǧan qyzylordalyq 850 myŋ teŋgesınen aiyryldy, dep habarlaidy “Adyrna” ūlttyq portaly Polisia.kz saityna sılteme jasap.
11 säuır künı alaiaqtyŋ qūrbany bolǧan jergılıktı tūrǧyn Qyzylorda qalalyq polisiia basqarmasynyŋ kezekşı bölımıne kelıp aryzdanǧan. Azamatşa özınıŋ aryzynda alaiaqqa aldanǧanyn aitqan.
Alaiaq azamat ötken jyldyŋ tamyz aiynda mūǧalımdıkke jūmysqa ornalastyryp beremın dep uäde bergen. Söitıp jäbırlenuşıden 850 myŋ teŋge aqşa alǧan. Bıraq köp ūzamai aqşany aldap alǧan azamat telefon qoŋyraularyna jauap bermei, bügıngı künge deiın uäde etılgen jūmysqa ornalasu mäselesınıŋ şeşımın tappaǧan.
Sonymen jäbırlenuşı äiel polisiiaǧa aryzdanuǧa mäjbür boldy.
Polisiia qyzmetkerlerımen jürgızılgen jedel-ızdestıru şaralarynyŋ nätijesınde, oblys ortalyǧynyŋ tūrǧyny ūstaldy.
Atalǧan derek boiynşa Qylmystyq kodekstıŋ 190-babynyŋ 1-bölıgı boiynşa (Alaiaqtyq) sotqa deiıngı tergep-tekseru äreketterı jürgızılude. Küdıktıge qatysty eşqaida ketpeu jäne tiıstı mınez-qūlyq turaly qolhat türınde būltartpau şarasy taŋdaldy.
Poliseiler oqiǧanyŋ män-jaiyn anyqtap jatyr.
”Adyrna” ūlttyq portaly
