Elordada «AMANAT» partiiasynyŋ Qoǧamdyq saiasat instituty janynan ıske qosylǧan«TALQYLAU» dialog alaŋynyŋ ekınşı otyrysy öttı, dep habarlaidy “Adyrna” ūlttyq portaly.
İnstituttyŋ telegram arnasynda dauys beru qorytyndysy boiynşa anyqtalǧan talqylau taqyryby Memleket basşysy aitqan memlekettı transformasiialau jönındegı ideologema – «Ekınşı Respublika» boldy.
Äleumettık jelılerde tıkelei efirde taratu arqyly ötken aşyq pıkırtalas barysynda sarapşylar, qoǧam qairatkerlerı, Mäjılıs deputattary el Prezidentı ūsynǧan reformalarǧa qatysty öz pıkırlerın ortaǧa saldy.
Jiynda QR Memlekettık hatşysyErlan Qarin būl termin bilık instituttaryarasynda neǧūrlym tiımdı teŋgerım jasaityn memlekettık basqaru modelınıŋ özgeruın beineleitının atap öttı.
«Jaŋa Qazaqstan» – būl maŋyzdy qoǧamdyq transformasiiany jüzege asyratyn keŋ auqymdy ideologema bolsa, «Ekınşı Respublika» – būl memlekettık modeldı özgertu. Iаǧni, bırınşı jaǧdaida qūndylyqtar deŋgeiınde, al ekınşı jaǧdaida – būl institusionaldyq, qūqyqtyq deŋgeide jüzege asatyn özgerıster. 16 nauryzdaǧy Joldauda Prezident naqty jaŋa saiasi bastamalardy jariia etkenın jäne olardy jüzege asyru ıs jüzınde bastalyp ketkenın eskersek, «Ekınşı respublikaǧa» köşu jaqyn arada oryn alady dep aituǧa bolady»,- dedı Erlan Qarin.
Memlekettık hatşy Prezidenttıŋ jaŋa bastamalary bükıl saiasi jüienı jaŋǧyrtyp, qaita bastaudy bıldıretının atap öttı. Jaŋa zaŋdar qabyldanyp, Konstitusiiaǧa özgerıster engızılgennen keiın ıs jüzınde osy jyldyŋ özınde Qazaqstanda memlekettık basqarudyŋ jaŋa modelıne köşu jüzege asyrylady. Ol tejemelık ärı tepe-teŋdık jüiesın institusionaldyq tūrǧydan küşeitıp, jaŋa saiasi mädeniettıŋ qalyptasuyna yqpal etedı.
Öz kezegınde «AMANAT» partiiasynyŋ Atqaruşy hatşysy Ashat Oralov elımızde saiasi jüienı transformasiialau partiiany jaŋǧyrtudan bastalǧanyn aitty.
«Zaŋnamany liberalizasiialaudy, jaŋa partiialardy tırkeu resımderınıŋ jeŋıldetıluın eskersek, elımızdıŋ partiialyq-saiasi alaŋyna jaŋa ūiymdardyŋ keletının tüsınu qiyn emes. Būl jaǧdai –bızdıŋ partiiamyz üşın özınıŋ ūzaq merzımdı, jauapty köşbasşylyqqa jäne bäsekelestıkke daiyn ekenın däleldeu mümkındıgı. Osy alaŋdaǧy kezdesu «AMANAT»syndarly dialog aiasynda Qazaqstandy damytu boiynşa naqty ideialar men ūsynystar äzırlenetın saiasi mädeniettı arttyruǧa barynşa yqpal etetının körsetedı», dep atap öttı Ashat Oralov.
«Alternativa» özektı zertteuler ortalyǧynyŋ direktory Andrei Chebotarevtıŋ aituynşa, «respublika» ärkez sailau jolymen qalyptasatyn memlekettık bilık jüiesın aiqyndap keldı.
«Bız Qasym-Jomart Toqaevtyŋ prezidenttık kezeŋınde sailau jüiesı qanşalyqty qarqyndy reformalanyp jatqanyn körıp otyrmyz. Aldymen auyl äkımderın sailau instituty engızıldı. Keiın audan äkımderı sailanady. Sailau prosesıne majoritarlyq jüienıŋ elementterın qaitaru jūmysy jürıp jatyr. Būl da jaŋaşyldyqtyŋ, jaqsylyqtyŋ nyşany. Būl tek ideologiianyŋ nemese ūǧymdardyŋ özgeruı ǧana emes, anyǧynda būl alǧa jyljudyŋ, damudyŋ aiǧaǧy», dep tolyqtyrdy Andrei Chebotarev.
Al Mäjılıs deputaty Aidos Sarymnyŋ pıkırınşe, bügınde qazaqstandyqtar Konstitusiia ǧana emes, memlekettık basqaru jüiesı de özgerıp jatqan tarihi kezeŋde ömır sürıp jatyr.
«Bız memlekettılıktıŋ būrynǧy formatynan bas tartpaimyz. Alaida oǧan qaityp oralmaitynymyzdy da tüsıngen jön. Jasyratyny joq, el azamattarynyŋ basym köpşılıgı özge memleketterdıŋ, qaisybır utopiialardyŋ sezımımen ömır süredı. Qazır öz keŋıstıgımızge oralyp, öz kün tärtıbımızben ömır sürudı üirenu maŋyzdy», - dedı deputat.
Kezdesu barysynda Euraziialyq integrasiia institutynyŋ direktory Orazǧali Selteev, Europalyq qūqyq jäne adam qūqyqtary institutynyŋ direktory, professor Marat Bäşımov öz pıkırlerımen bölıstı. Zaldaǧy qatysuşylar ǧana emes, onlain-körermender de sūraqtaryn qoidy.
Esterıŋızge sala keteiık, «TALQYLAU» dialog alaŋyn qūru bastamasy «AMANAT» partiiasynyŋ 1 nauryzda ötken kezekten tys Sezınde partiialyq transformasiia baǧdarlamasy tarmaqtarynyŋ bırı retınde köterılgen bolatyn. Aldaǧy uaqytta «TALQYLAU» otyrystary türlı formatta ūiymdastyrylyp, onda pıkırtalas, podkasttar jazu, debattar qolǧa alynady. Alaŋda sarapşylar, deputattar, memlekettık organdar men ÜEŪ ökılderı azamattardy tolǧandyratyn özektı mäselelerdı şeşu jönıde ūsynystar äzırleu üşın tūraqty türde kezdesıp otyrady.
”Adyrna” ūlttyq portaly
