Shymkentte pandemııa kezinde jumys istegen medıına qyzmetkerlerine tıisti ústemaqy áli tólenbegen, dep habarlady "Adyrna” ulttyq portaly “Astana” telearnasyna siltep.
Jekemenshik klınıkadaǵy 70-ten astam adam qaýipti vırýs órshigen kezde aldyńǵy shepte bolǵandaryn dáleldeı almaı júr.
Indet kúsheıip turǵan kezde jumys istegen jetpisten astam medıına mamany shydamdarynyń taýsylǵanyn aıtady. Byltyr jazda 1,5 aı qaýipti dertpen kúressek te, ústemeaqy túgili jalaqy almadyq deıdi.
"Buıryq boıynsha basynda 850 myń ústemaqy tólenedi dep aıtylǵan. Sóıtti de 10-15 kúnen keıin ol 420 myńǵa tústi dedi. Meıli, halyq úshin dep oǵanda kóndik. Bizde taza aılyq 90-100 myńnyń arasynda bolady dedi. Ony da meıli dedik. 1,5 aı jumys jasaǵannan keıin buıryqpen bizdi jumystan shyǵaryp jiberdi. On kúnniń ishinde sizderge aılyqtaryńyzdy beremiz dep ýáde berdi. Biz on kún emes bir aı kúttik. Sodan beri jarty jyl ótti", - deıdi medbıke Ulzada Jumanova.
Megapolıstiń bas dárigeri klınıkaǵa, klınıkadaǵylar basqarmaǵa siltep, ortada dop bop júrmiz, deıdi jınalǵandar.
Aıtýlarynsha, byltyr jeke klınıka endi ashylyp jatqanda bıliktegiler 100 tósek oryndyq ınfekııalyq staıonar retinde jumys isteýge kóndirgen kórinedi. Tipti ol kezde lıenzııa alyp úlgermegenimizge de qaraǵan joq deıdi .
"Pozılov myrza 23-shilde kúni buıryq shyǵarady, ol jerde jumysqa qabyldansyn, jumysshylar jasasyn jumys. Buıryqty shyǵarmastan buryn birinshi qalanyń birinshi ákim orynbasary Muqan myrza men Pozylov myrza ekeýi kep sol mekemeni kórip, jumysqa jaraıdy eken, jaqsy mekeme eken dep "jumysqa kirise berińder, arǵy jaǵyn sender esh ýaıymdamańdar" dep aýyzsha ýádelerin berip ketken bolatyn", - deıdi medıınalyq mekemeniń zańdy ókili Erbolat Myrzaqulov.
Alaıda sol ýáde sóz kúıinde qaldy deıdi qazir jumyssyz júrgender. Klınıka qordalanǵan qaryzdaryna baılanysty jabylǵan. Óıtkeni tósek oryn, dári-dármek, qural saımannyń bárin sózge senip, ózderi qaryzǵa alypty. Esepterinshe, mekemeniń 118 mln teńge bereshegi bar.
"Buıryqqa sáıkes jumys jasaǵandyqtan tóleý máselesin suraǵan kezde "Sizderdiń lıenzııa joqtyǵyn, jyldyq josparda sizder bolmaǵansyzdar" degen ýájben qazir bas tartyp otyr. Bul boıynsha prokýratýraǵa aryzdandyq, ákimshilikke aryzdandyq", - deıdi ókil.
Al megapolıstiń bas dárigeri sol kezde qıyn qystaý zaman boldy. Olardyń jumys istegenin eshkim joqqa shyǵaryp turǵan joq, bárin retteımin dep otyr.
"Bizdi de túsinińizder, bizde erikkennen ashqan joqpyz ǵoı. Naýqastardy emdeý úshin, ómirin alyp qalý úshin istedik. Eger men sony ashpaıtyn bolsam mende naýqastar óledi, osy ýaqytqa deıin shyryldap júrgenin men ony moıyndaımyn. Eshkim eshkimnen qashyp júrgen joq", - deıdi Shymkent densaýlyq saqtaý basqarmasynyń basshysy Baqytjan Pozılov.
Bas dáriger sot arqyly bári dáleldenedi deıdi. Istelgen jumysty eshkim joqqa shyǵara almaıtynyn aıtty. Aıtýynsha, advokatty da ózi jaldamaq. Isti sońyna deıin jetkizý úshin tipti ár sot otyrysyna qatysýǵa da ýáde berdi.
“Adyrna” ulttyq portaly
