“Astanaenergosbyt” JŞS-na 6 mln teŋge aiyppūl salynatyn boldy. Tabiǧi monopoliialardy retteu komitetı «Astanaenergosbyt» JŞS-nyŋ jūmysyna tekserıs jürgızıp, bırqatar zaŋ būzuşylyqtardy anyqtady, dep habarlaidy “Adyrna” ūlttyq portaly. Elorda tūrǧyndary soŋǧy ailarda kommunaldyq tölem kvitansiialarynda körsetılgen elektr energiiasyn paidalanǧany üşın tölemderdıŋ ösuın baiqaǧan. Osy mäselemen Tabiǧi monopoliialardy retteu komitetıne qyzmet körsetuşınıŋ jūmysyn tekseruge ötınış bergen.

«Astanalyq tūtynuşylar ötınışı negızınde QR ŪEM Tabiǧi monopoliialardy retteu komitetı Nūr-Sūltan qalasy boiynşa aumaqtyq departamentpen bırıgıp, «Astanaenergosbyt» JŞS-na qatysty elektrmen jabdyqtau qyzmetterı üşın tölemge köterıŋkı şottar qoiudyŋ negızdılıgı tūrǧysynan jospardan tys tekseru ötkızdı», – delıngen habarlamada.

Komitet baspasöz qyzmetınıŋ mälımetınşe, mekeme astanalyqtarǧa elektr energiiasyn paidalanǧany üşın tölemderdı negızsız ösırgenı belgılı boldy.

«Astanaenergosbyt» JŞS äreketterın tekseru qorytyndylary boiynşa elektr energiiasyn tūtynu kölemıne bailanysty tarifterdı saralau kezınde tölem somalaryn esepteu tärtıbın būzu anyqtaldy. Būl tūtynuşylarǧa tölemge qoiylǧan negızsız joǧary somalarǧa alyp keldı. Tekseru barysynda jügıngen 56 tūtynuşynyŋ 32-sıne 129 myŋ teŋge mölşerınde negızsız soma qoiylǧany anyqtaldy. Mysaly, tūtynuşylardyŋ bırı boiynşa tört aida artyq tölemnıŋ jalpy somasy 17 myŋ teŋge bolǧan (Nūr-Sūltan qalasynyŋ tūtynuşylardyŋ kVt/saǧ üşın 4,5 myŋ teŋge mölşerınde ai saiynǧy ortaşa tölem kezınde)», – delıngen habarlamada.

Mekemege qatysty Qazaqstan Respublikasynyŋ Äkımşılık qūqyq būzuşylyq turaly kodeksınıŋ 167-baby boiynşa äkımşılık ıs qozǧalǧan. Oǧan säikes, 2000 AEK nemese 6 million teŋgeden joǧary mölşerde aiyppūl közdelgen. Sondai-aq, «Astanaenergosbyt» JŞS-nyŋ atyna elektr energiiasyn töleu somasy zaŋsyz eseptelgen elordanyŋ barlyq tūtynuşylaryna tölem somasyn qaita esepteudı jürgızu arqyly jol berılgen zaŋbūzuşylyqtardy mındettı türde joiu turaly nūsqama engızılgen.

«Tūtynuşylar ūsynylǧan şottardyŋ negızsız artyq köterılgenın anyqtaǧan jaǧdaida, qaita esepteu jürgızu üşın «Astanaenergosbyt» JŞS-nyŋ atyna jügınuge qūqyly. «Astanaenergosbyt» JŞS-nyŋ tarapynan qaita esepteuden negızsız bas tartqan jaǧdaida, tūtynuşylar Qazaqstan Respublikasy Ūlttyq ekonomika ministrlıgı Tabiǧi monopoliialardy retteu komitetınıŋ Nūr-Sūltan qalasy boiynşa departamentıne jügınuıne bolady», – delıngen habarlamada.

”Adyrna” ūlttyq portaly