Donek oblysynyń Marıýpol qalasynda reseılik basqynshylar ólgen adamdardyń denesin qazyp alýda, dep habarlaıdy "Adyrna" ulttyq portaly. Bul týraly Marıýpol qalalyq keńesiniń baspasóz qyzmeti málimdedi.
"Basqynshylardan "tazalaýdyń" jańa deńgeıi. Qaladaǵy marıýpoldyqtardyń aıtýynsha, orys áskerleri buryn turǵyn úılerdiń aýlalarynda kómilgen máıitterdi eksgýmaııalaý proesin bastady. Onyń ústine basqynshylar olardan qaza tapqan adamdardy jerleýge tyıym salýda. Ár aýlaǵa kúzetshi taǵaıyndaldy, bul marıýpoldikterge qaıtys bolǵan týystarynyń nemese jaqyndarynyń denesin berýge múmkindik bermeıdi. Eksgýmaııa nelikten júrgizilip jatqany jáne máıitterdiń qaıda jóneltiletini belgisiz», - delingen habarlamada.
Qalalyq ákimdik osylaısha jaý óz qylmysynyń aıǵaǵyn jasyrýǵa tyrysady dep esepteıdi.
«Ýkraına barlaýynyń Marıýpoldegi 13 jyljymaly krematorıılerdi tirkegenin eskere otyryp, Reseı okkýpaııasynyń áskerleri bizdiń qaladaǵy ózderiniń áskerı qylmystarynyń izin barlyq ádistermen jasyrýǵa tyrysady dep boljaýǵa bolady. Qazirdiń ózinde Marıýpolde orys áskeriniń kóptegen qylmystary tirkeldi. Árbir qylmysker jazasyn alady!» – dep atap ótti qalalyq máslıhatta.
"Adyrna" ulttyq portaly
