Bır bai qonaq qondyruǧa öte tar adam eken. Elınıŋ salty boiynşa qyzy aitqan öleŋge jauap tauyp aita almasa, bettep kelgen qonaq auyl iesınıŋ qondyrmaǧanyna kınä qoia almai, kete beruge tiıstı eken. Sol qyzdyŋ öleŋıne ılık tauyp aita almai, talai qonaq qona almai ketıptı. Sondaǧy qyzdyŋ öleŋı:
"Öner tapsa jıgıttıŋ baǧy boldy,
Keşe kelıp qonaqtar taǧy boldy.
Ai topyrdy kün saiyn salmas bolar,
Qonaqtyŋ bızden keter şaǧy boldy", - dep, üide otyryp aitqan qyzdyŋ öleŋın estıgende, "Ou, üide kım bar? Qonaqpyz", - desıp şırenıp tūrǧandar tıl qatpai kete beredı eken.
Osylai bai neşe jyl boiy qonaqtan ada bolypty. Osy qyzdyŋ "aqyndyǧy" elge tarapty. Öleŋnıŋ qarymyn tauyp aituǧa şamam bolar degen jıgıt, neşe joldastarymen qyzdyŋ auylyna kelıp: "Qonaqpyz!" deuı sol eken, qyz daǧdyly öleŋdı syrtqa şyqpai, üide otyryp-aq ändete aityp salady:
Sonda jıgıt:
"Aulyŋnyŋ qonǧan jerı beleste eken,
Äkeŋnıŋ ızdegenı keŋes pe eken.
Būl üide bız de qonaq, qyz da qonaq,
Ekı qonaq bır jatsyn demes pe eken", - deptı jıgıt. Qyz da, äkesı de üiden jügırıp şyǧyp, kelgenderdıŋ atyn bailap, üige tüsırıp, qonaq etıp alypty.
massaget.kz
