Ózbekstannyń Djızah oblysynda 100-den astam adam evakýaııalandy, 260 úı sý astynda qaldy, onyń 53-i tolyǵymen qırady. Nóser jaýyn saldarynan bolǵan sel bes adamnyń ómirin qıdy, dep habarlaıdy “Adyrna” ulttyq portaly.
Oblys prokýratýrasynyń habarlaýynsha, tótenshe jaǵdaı saldarynan taǵy alty adam ártúrli aýyrlyqtaǵy dene jaraqatyn alǵan. Qazir tergeý júrip jatyr.
Tabıǵı apat saldarynan Djızah oblysynda 100-den astam adam evakýaııalanyp, 260 úıdi sý basyp, onyń 53-i tolyǵymen qıraǵan.
Sondaı-aq, Samarqand oblysynda úıler men kóshelerdi shamaly sý basý, Qashqadarııa jáne Naýaı oblystarynda sý tasqyny tirkeldi.
Sınoptıkterdiń boljamy boıynsha, aldaǵy 10-15 jylda turaqty jylyný úrdisi (ortasha temperatýranyń jylyna 1,5%-ǵa artýy) jaýyn-shashynnyń ulǵaıýyna, ıaǵnı sý tasqyny sanynyń artýyna jáne sel belsendiliginiń artýyna ákeledi.
Aıta keteıik, 2021 jyldyń shilde aıynda Qyrǵyzstanmen shekaralas Ózbekstannyń shyǵysyndaǵy Namangan oblysynda nóser jaýyn saldarynan sel júrip, 8 adam qaza taýyp, altaýy zardap shekken bolatyn.
“Adyrna” ulttyq portaly
