Qazaqstan Respýblıkasy Parlamenti Senaty Tóraǵasynyń orynbasary Asqar Shákirov pen Ózbekstan Respýblıkasy Olıı Májilisiniń Senaty tóraǵasynyń birinshi orynbasary, Komıssııanyń Ózbekstan tarapynan teń tóraǵasy Sodyk Safoev bastaǵan jumysshy top Aral aýdanyndaǵy Kókaral bógetine baryp, jaǵdaıyn kórdi. Bul týraly Oblys ákiminiń baspasóz qyzmeti málimdedi, dep habarlaıdy “Adyrna” ulttyq portaly.
Eki eldiń Senat depýtattarymen birge oblys ákimi Nurlybek Nálibaev, QR Ekologııa, geologııa jáne tabıǵı resýrstar mınıstri Serikqalı Brekeshev, Sý resýrstar komıtetiniń tóraǵasy Nurlan Aldamjarov bógettiń qazirgi jaǵdaıyn baqylap, ortaq máselelerdi talqylady.
Bóget basynda Sý resýrstary komıtetiniń tóraǵasy Nurlan Aldamjarov «SARATS» jobasynyń ekinshi kezeńin júzege asyrý barysyn jetkizse, oblys ákiminiń orynbasary Qaırat Nurtaı Aral teńiziniń qurǵaǵan túbinde sý tapshylyǵyn azaıtý jóninde qabyldanyp jatqan sharalar jáne fıto-melıoraııalyq jumystardy tizbektedi.
Kókaral bógetiniń uzyndyǵy - 13 km, eni - 9 m. Aral teńiziniń Soltústik bóligin saqtap qalý úshin Kókaral bógetin qalpyna keltirý jumystary 2002 jyldan bastap 2008jylǵa deıin júrgizilgen. Nátıjesinde sý kólemi 11,5 km3-ge, ıaǵnı, 15,6 km3-den 27,1 km3-ge deıin artty. Sonymen qatar balyq sharýashylyǵyn damytý úshin qolaıly jaǵdaı jasaldy. Nátıjesinde balyq aýlaý kólemi 0,4 myń tonnadan 7 myń tonnaǵa deıin ósti.
«SARATS» jobasynyń ekinshi kezeńi iske asyrǵan ýaqytta Soltústik Aral bóliginde 50 km3 sýdy saqtap turýǵa qol jetkizemiz. Bul óz kezeginde balyq aýlaý kólemi de eki esege ósedi degen sóz. Joba Aral óńiriniń ekologııalyq jaǵdaıyn jaqsartady,-dedi Nurlan Aldamjarov.
Delegaııa ókilderi sý jaǵdaıyna qatysty ortaq máseleni arnaıy jıynda qaraıdy.
”Adyrna” ulttyq portaly
