Jambyl oblysy Gvardeıskıı eldi mekenindegi gospıtalda qaıtys bolǵan aqtaýlyq sarbaz Álibek Qalbaıdyń denesi keshe ushaqpen týǵan jerine jetkizildi, dep habarlaıdy "Adyrna" ulttyq portaly.
"Habar 24-tiń" habarlaýynsha, marqumnyń jaqyndary Mańǵystaýdaǵy Aqshuqyr aýylynda turady. Olardyń aıtýynsha, 18 jastaǵy jaýynger Qordaı aýdanyndaǵy №30212 áskerı bólimge 18 sáýirde barǵan. 4 kúnnen soń sýyt habar keledi. Qorǵanys mınıstrligi taratqan resmı aqparda ol tańǵy sapqa turý kezinde esinen tanyp qulaǵan. Týystary onyń ólimine kináliler bar dep, olardyń zań aldynda jaýap berýin talap etip otyr. Qaıǵyly oqıǵaǵa qatysty tekseris júrip jatyr.
«12-si kúni májbúrli túrde armııaǵa barsyn dep balany alyp ketedi. Sottalasyń, bolmasa 3 mln-ǵa shtraf tóleısiń deıdi. Keshki 3-4 arasynda mamasyna soǵady 4 myń teńge bershi, asqazanyma dárige aqsha aldyrtýym kerek dep. Balanyń kóretin jeri joq. Ishi, búıregi, qoldary kógergen. Basy kógergen», dedi Á.Qalbaıdyń týysy Dınara Tilesova.
«22 sáýirde rota tańǵy astan kelgende kazarma aldynda turǵan. Sol kezde Álibek eń sońǵy qatarda turǵan. Basy aınalyp, qulap tústi artqa qaraı. Birinshi dárigerlik kómek kórsetip, birden medsanbatqa alyp kettik. Basynyń neden aınalǵanyn bilmeımin men, kúnine 2-3 soldat basy aınalady da qulaıdy», - deıdi QR QK №30212 áskerı bóliminiń komandıri Almas Dospaev.
"Adyrna" ulttyq portaly
