Jambyl oblysynda äskerde qaza bolǧan sarbazdyŋ denesınen jaraqattar anyqtalǧan joq. Būl turaly baspasöz mäslihaty barysynda QR Qaruly küşterı Bas ştaby bastyǧynyŋ orynbasary Serık Borambaev mälım ettı, dep habarlaidy "Adyrna" ūlttyq portaly inform.kz-ke sılteme jasap.
«Ökınışke qarai, 22 säuırınde Gvardeisk äskeri qalaşyǧynda ornalasqan gospitalde äsker qataryna jaŋadan şaqyrylǧan qatardaǧy jauynger Älıbek Qalbai qaitys boldy. Ol jeke qūramnyŋ sapqa tūruy kezınde özın naşar sezınıp, esınen tanyp qalǧan. Medisina qyzmetkerlerı jas sarbazdy qūtqaryp qala almady. Marqūmnyŋ ata-anasyna, tuǧan-tuysqandary men jaqyndaryna qaiǧyryp köŋıl aitamyz», - dedı Serık Borambaev.Onyŋ aituynşa, qatardaǧy jauyngerdıŋ qaza bolu sebebın anyqtau maqsatynda arnaiy jedel-tergeu toby qūrylǧan. Qajettı saraptamalar jürgızılude.
«Sot-medisinalyq saraptama nätijesınde, qaza bolǧanǧa deiın sarbazdan jaraqattar men kögeruler anyqtalmaǧan. Qazırgı uaqytta terı qabattarynyŋ özgeruı saraptama jürgızumen jäne qaza boludyŋ biologiialyq prosesımen bailanysty. Tergeudıŋ obektivtı jürgızıluıne bız de müddelımız. Sebebı barlyq satydaǧy komandirler baǧynysty äskeri qyzmetşılerdıŋ ömırı men densaulyǧyna ata-analar men memleket aldynda jauapty», - dedı QR Qaruly küşterı Bas ştaby bastyǧynyŋ orynbasary.Öz sözınde ol Qorǧanys ministrlıgınıŋ basşylyǧy eşteŋenı jasyryp qalmaitynyn, sarbazdyŋ atan-anasy men jaqyndary oqiǧadan keiın dereu äskeri bölımge baryp, ūldary qyzmet atqarǧan bölımşedegı tūrmystyq jaǧdaimen tanysqanyn jetkızdı. Esterıŋızge sala ketsek, osyǧan deiın QR Prezidentı äskerde qaza tapqan Älıbek Qalbaidyŋ ölımınıŋ sebebın anyqtaudy tapsyrǧanyn habarlaǧan edık.
"Adyrna" ūlttyq portaly
