Qazaqstan, Ózbekstan jáne Qyrǵyzstan dinbasylary Qadyr tún kúnin belgiledi. Bıyl ol 27 sáýirden 28 sáýirge qaraǵan túnge sáıkes kelip tur, - dep habarlaıdy “Adyrna” ulttyq portaly Kaktus.media saıtyna silteme jasap.
Qadyr túni degen ne?
Qadyr túni - qazaqsha ataýy, arab tilinde Lıaılıatýl-Kadr nemese Al-Kadr dep aıtylady. Qadyr túninde Muhammed paıǵambarǵa Jábireıil perishte kelip, Qurandy bergen dep sanalady. Bul Ramazan aıynyń aıaǵy, ıaǵnı on túniniń biri bolǵan.
Qadyr túni qashan?
Quranda Qadyr túni orazanyń sońǵy on túniniń birinde ekeni aıtylǵan, biraq naqty kúni aıtylmaǵan. Keıbir ǵalymdar orazanyń 26-synan 27-kúnine qaraǵan túni Qadyr túni dep sanaıdy. Jazbalarda 21, 23, 25, 27 jáne 29 sııaqty kúnder kórsetilgen. Qulshylyq jasaıtyndar bul túnderde qasıetti aıdyń eń mańyzdy túnin tabý úshin duǵa etedi. Qadyr túni kún batqannan keıin keledi jáne tańerteń aıaqtalady, ıaǵnı tańǵy namaz bastalǵanda bitedi.
“Adyrna” ulttyq portaly
