Jaŋbyr suynan zardap şekkenderge 100 mln teŋgeden astam kömek berıledı

Qazyǧūrt audanyndaǧy nöser saldarynan zardap şekken tūrǧyndarǧa qarjylai kömek körsetıle bastady. «Qyzyl jarty ai» qoǧamy 104,6 mln. teŋge bölıp, su kırgen üilerdegı 1046 adamǧa (173 otbasyna) 100 myŋ teŋge kölemınde aqşalai kömek körsetuın bastady. Şyǧyndardy öteu üşın oblystyq biudjetten de qoldau körsetıledı. Komissiia tarapynan mal basy naqtylanyp, ǧimarattar men üiler, qosymşa qūrylys qūny eseptelude. Ökınışke qarai, kei nysandardyŋ qūjaty joq, olar da zerdeleuden ötude. Jaŋa tuǧan tört tülıkke de ötemaqy beru jaǧy qarastyrylmaq. Öŋırdıŋ basqa audan, qala jastary qoldap, alǧaş künnen bastap, jalpy 800-den astam erıktı men özge de azamattar selden qūlaǧan, zaqym kelgen qora-qopsylarǧa jäne tūrǧyn üi men aulalardy tazalau jūmystaryna belsene kömek berude. Demeuşıler, deputattar tarapynan da qoldau bar. Oblys äkımı Ömırzaq Şökeev Qazyǧūrt audanyna baryp, qalpyna keltıru jūmystarymen tanysty. Tūrǧyndardyŋ talap-tılegı men ötınışterın tyŋdady.

– Memleket basşysy Qasym-Jomart Toqaevtyŋ tapsyrmasymen, oblystyq komissiia qūrylyp, jūmys ıstep jatyr. Eşbır tūrǧyn kömeksız qalmaidy. Üi januarlarynyŋ şyǧynyna erejege säikes ötemaqy tölenıp, tūrǧyn üiler qalpyna keltırıledı. Şaruaşylyq ǧimarattardy jöndeuge kömek körsetıledı. Būnyŋ bärı qataŋ baqylauda tūr. Özderıŋız bıletındei, su tasqyny bolǧan auyldarda tötenşe jaǧdai departamentı, jergılıktı äkımdıkterdıŋ qyzmetkerlerı, erıktıler jūmys ıstep jatyr. Är nysan tolyq qalpyna keltırıledı, – dedı Ömırzaq Şökeev. — Eldıŋ ışınde bolǧanymyzǧa quandyq. Äkımder bırden keldı. Jastar üidı üş kün jürıp, tolyq tazartyp berdı. Körşıler köşuge kömektestı. 2003 jyly körşı Özbekstannan qonys audaryp edık. Sodan berı üidıŋ qūjatyn daiyndauǧa män bermegen ekenbız. Äkımdık oǧan kömek berıletının aityp, quantty. Üiımız kanaldyŋ janynda tūrǧannan, su asyp tüstı. Qiraǧan joq. Bıraq endı mūnda tūru qiyn. Üi ornyna üi beretın boldy. Osy auyldan satyp aluǧa, ne saluǧa qarajat bölınetın boldy. Taŋdau — özımızden. Alǧystan basqa aitarym joq, — dedı Zaŋǧar auylynyŋ tūrǧyny Janälı Myrzabekov. — Jan-jaqtan su keldı. Üiden şyǧyp ülgerdık. Bırınşı künnen berı kelıp, kömek berıp jatyr, bızge. Besınşı kün boldy mıne, azamattar künde osy jerde jür. Äkımdıkten kelıp jatyr. Bärı osy jerde jür. Bızdıŋ auylda üi aulalaryna ǧana zaqym keldı. Şükır. Emosiiaǧa berılıp, keibıreuler orynsyz sözder aitqan da bolar. Özımız rizamyz. Köp raqmet aitamyz bärıne, — deidı Saraphana auyldyq okrugınıŋ tūrǧyny Aişa Kenenbaeva.

Bır apta būryn Türkıstan oblysynyŋ Qazyǧūrt, Saryaǧaş audandarynda jauyn-şaşyn mölşerden artyq jauyp, Kentau qalasynda qatty jel soǧyp, tabiǧi apat boldy. Qazyǧūrt audanynyŋ 7 auyl okrugınıŋ (Saraphana, Qaqpaq, Qarabau, Qyzylqiia, Şanaq, Altyntöbe, Tūrbat), 11 eldı mekenınde üiler men qora-qopsylarǧa su kırgen. Qūtqaru jūmystaryna oblystyq tötenşe jaǧdailar departamentınıŋ jäne jergılıktı atqaruşy organdardyŋ 100-den asa qyzmetkerı jūmyldyryldy. Olar 15 bırlık tehnika, 13 motopompa küşterımen sudy soru jäne aryqtardy tazalau jūmystaryn jürgızdı. Audanda jūmysşy toptar qūryldy. Audan äkımdıgınıŋ ūiymdastyruymen jastardan qūrylǧan erıktıler toptary zardap şekken tūrǧyndarǧa kömek berude. Jalpy su tasqynynan Qazyǧūrt audanyndaǧy 11 eldı mekende 41 üidı su basyp, 1 üi qūlaǧan. 71 qora-qopsyny su basyp, 27-sı qūlasa, 1 kommersiialyq nysandy su basqan. Audan boiynşa 468 uaq mal, 5 ırı qara, 2 jylqy, 17 tauyq şyǧyny bolǧan. 50 bal ara janūiasy aǧyp ketken.

Türkıstan oblysy äkımınıŋ baspasöz qyzmetı