Şymkent qalasy äkımınıŋ apta saiynǧy audan belsendılerımen kezdesulerı jalǧasuda. Bügın Mūrat Äitenov aumaǧynda 34 eldı mekenı bar Abai audany belsendı tūrǧyndarymen kezdestı.
«Aşyq dialog» formatynda ötken basqosuǧa, mäslihat deputattary, qoǧamdyq keŋes müşelerı, basqarma basşylary jäne audan mäselelerımen jaqynnan tanys bolu maqsatynda qala prokurory Ǧabit Mūqanov pen Polisiia departamentınıŋ basşysy Qairat Dälbekov te qatysty.
Jiynda audandaǧy özektı mäselelerdıŋ şeşım joldary talqylandy.
Jyl basynan berı hattamalyq sipat alǧan 110 mäselenıŋ oryndalu barysyn audan äkımı B.Parmanov baiandady. Tūrǧyndar kötergen 41 mäsele öz şeşımın tapqan, 58 jūmys barysynda, 11 tapsyrma ūzaq merzımdı, 2025 jylǧa deiın jüzege asyrylady.Tūrǧyndardyŋ ūsynysy boiynşa «Altyntöbe» tūrǧyn alabyndaǧy Jamalov pen Nūrlybaiūly köşelerıne asfalt töseldı. Eldı mekendegı Ötebai köşesın asfalttau boiynşa merdıger mekeme anyqtaluda. 2023 jyly Orazbai köşesı, 2024 jyly Satqanbaev, Yrsymbetov jäne Jastar köşesı asfalttanady. «Qyzyljar» şaǧynaudanynan jaŋa äuejai terminalǧa deiın 9,1 km kärız jüiesınıŋ qūrylys jūmystary merdıger mekeme «BI Global» JŞS tarapynan jürgızıldı. Bügıngı taŋda, memlekettık akt, qabyldau qūjattary äzırlenude. «Aqjar» tūrǧyn alabyn sapaly internetpen qamtu maqsatynda mobildı operatorlarmen bazalyq stansiiasy ornatu kelısıldı. Qazır bekıtılgen jer telımın anyqtap zaŋdastyru jūmystary jürgızılude. "Būl jiyndar öz nätijesın berude. Şeşımın tapqan mäsele köp desek, şeşım kütkenı odan da köp. Eŋ bastysy, mäselege at üstı qaramai, tübegeilı zerdelep, jan-jaqty baǧalap baryp, sapaly türde äreket jasauymyz kerek. Sonda ǧana ol mäsele bolaşaqta qaitalanbaityn bolady"-degen şahar basşysy jiyn soŋynda qatysuşylarǧa sättılık tılep, alǧysyn bıldırdı.
