«Musiad Qazaqstan- käsıpkerler assosiasiiasy» Q.A.Iаsaui atyndaǧy Halyqaralyq qazaq-türık universitetınıŋ studentterıne arnap, auyzaşar dastarhanyn jaidy.
Türkı älemınıŋ ruhani astanasy – Türkıstan şaharynda ötken būl şara türkı älemınen kelıp oqu ordasynda bılım alyp jürgen studentterge arnaldy.
Şaraǧa ūiytqy bolǧan «Musiad Qazaqstan- käsıpkerler assosiasiiasynyŋ» töraǧasy Iylmaz Kesen tömendegıdei pıkır bıldırdı:
«Bız- «Musiad Qazaqstan» ūiymy retınde biylǧy dästürlı auyzaşar dastarhanymyzdy ekı bauyrlas eldıŋ ortaq ǧylym men bılım ordasy, maqtanyşymyz – Iаsaui universitetınıŋ student jastaryna arnap jaidyq. Öitkenı jastar bızdıŋ bolaşaǧymyz, ärı olar ekı bauyrlas eldıŋ ökılderı de sonymen qatar. Sondyqtan da bız olarǧa senım artamyz, arqa süieimız. Osy sebeptı Musiad, öz qūrylymda jastarǧa da arnaiy käsıpkerlık platformalar men jaŋa mümkındıkter ūsynuda. Aitalyq, künı keşe Musiadtyŋ jastar qūrylymdarynda belsendılık tanytyp, jan-jaqty özın damytyp, täjıribe jinaqtaǧan jastar bügınde maŋyzdy jobalardyŋ bastamaşysy bolyp jür, Musiadtyŋ ūiymdastyru alqasynda, Halyqaralyq käsıpkerlık forumynda, Halyqaralyq jastar kongresınde, Musiad Vizioner, Musiad Ekspo synda ırı şaralarda maŋyzdy qyzmet taqaruda. «Musiad Qazaqstannyŋ» esıkterı jasarǧa ädaiym aiqara aşyq».
Aita keteiık, Musiad ūiymy öz qūramynda alpys myŋǧa juyq öndırıs pen kompaniialardy bırıktırgen, Türkiia men älemnıŋ özge de elderınde jüz alpys tört ökıldıgı qyzmet atqaratyn käsıpkerlık platforma bolyp tabylady.
"Adyrna" ūlttyq portaly
