Qazaqstan men Resei IIM Esırtkı qylmysyna qarsy küres bölımşelerı ekı el aumaǧynda sintetikalyq esırtkını poşta arqyly jetkızudıŋ transūlttyq arnasyna tosqauyl qoiu boiynşa arnaiy operasiia jürgızdı, - dep habarlaidy "Adyrna" ūlttyq portaly polisia.kz saityna sılteme jasap.
IIM Esırtkı qylmysyna qarsy küres departamentı bastyǧynyŋ mındetın atqaruşy Asqar Mūhametqaliev tüsındırgendei, Işkı ıster ministrlıgı ortalyq apparaty men polisiia jäne basqarmalardyŋ täjıribelı qyzmetkerlerınen arnaiy top qūryldy.
Omby jäne Taraz qalalarynda bır mezgılde jürgızılgen ıs-şaralardyŋ nätijesınde poliseiler sintetikalyq esırtkını Resei Federasiiasyna negızgı jöneltuşı men Qazaqstandaǧy olardy aluşyny ūstady. Sottaluşylardyŋ tūrǧylyqty jerınde tıntu kezınde ırı esırtkı zerthanalary anyqtaldy.
Ūstalǧan Omby tūrǧyny poşta arqyly «sintetikalyq önımder» jasap, Ortalyq Aziia elderıne, onyŋ ışınde Qazaqstanǧa jöneltken. Sonymen bırge ol jalǧan qūjattardy qoldanyp, türlı tauarlar – maşina mailary, tūrmystyq himiia jäne t.b. jalǧan at jazyp sälemdeme jıberıp otyrǧan.
Polisiia jalpy somasy 9,5 million dollardan asatyn 260 kelıden astam daiyn esırtkını tärkıledı.
2021 jyldyŋ qazan aiynan aǧymdaǧy jyldyŋ säuır aiyna deiın jürgızılgen arnaiy operasiia nätijesınde Almaty, Altai, Aqtöbe, Atyrau, Taraz jäne Qyzylorda qalalarynda polisiia qyzmetkerlerı sintetikalyq esırtkı öndırumen jäne taratumen ainalysqan Qazaqstannyŋ 13 azamatyn ūstady.
"Adyrna" ūlttyq portaly
Ūqsas jaŋalyqtar
