Ukrainada soǧys bastalǧaly Şeşenstan basşysy Ramzan Qadyrov ūrystarǧa qatysyp jatqan «aǧalary» turaly belsendı türde aityp jür. Bıraq qazır orys äskerıne qarsy soǧysyp jatqan şeşender de bar. Şeşenstan basşysy olardy «şeşentıldı şaitandar» dep ataidy. Būl turaly BBC jariialady, dep habarlaidy “Adyrna” ūlttyq portaly.
Qazır Reseige qarsy soǧysyp jatqan şeşenderdıŋ köbı būryn Şeşenstanda tūrǧan. Ekınşı şeşen soǧysynan keiın olar Ukrainaǧa köşıp, 2014 jyly Lugansk jäne Donesk oblystaryna attanyp, ekı erıktı batalon qūrdy.
«Mūnyŋ sebebı köp, qysqasy, bız ǧasyrlar boiy, 400 jyl boiy orystarmen soǧysyp kelemız», - deidı şeih Mansūr erıktıler batalonynyŋ komandirı Muslim Cheberloevskii.
Qazır şeşender erıktıler retınde ǧana emes, Ukraina qaruly küşterınıŋ qūramynda da soǧysuda. Mysaly, «Crazy Pack» şabuyl jasaǧynyŋ müşelerı.
Alaida mūsylmandar hristian memleketı üşın soǧyspauy kerek dep esepteitın dındarlar olardy synauda.
"Ukraina Reseiden kelgen köptegen mūsylmandarǧa pana berdı. Tıptı İslam tūrǧysynan dūrys soǧys dep sanauǧa bolady. Rūqsat etılgen soǧys", - dedı äleumettık antropolog jäne Soltüstık Kavkaz boiynşa sarapşy Denis Sokolov.
“Adyrna” ūlttyq portaly
Reseiden alǧaşqy ūşaq kelıp qondy. "Şaqyrylmaǧan qonaqtardy" Tibilisi tūrǧyndary şerulete qarsy aldy
