Resei memlekettık Dumasy Resei men İran arasyndaǧy jan-jaqty strategiialyq ärıptestık turaly qaŋtarda qol qoiylǧan kelısımdı resmi türde ratifikasiialady, dep habarlaidy “Adyrna” ūlttyq portaly.
Kelısım qauıpsızdık, qorǧanys, halyqaralyq saiasat, ekonomika jäne qarjy salalarynda tyǧyz yntymaqtastyqty közdeidı. Qūjatta ekı eldıŋ äskeri-tehnikalyq salada, barlau jäne qauıpsızdık qyzmetterı aiasynda jeke kelısımder negızınde özara ärekettesetını atap körsetılgen.
Sonymen qatar, kelısımde üşınşı bır memlekettıŋ bır tarapqa qarsy äskeri agressiiasy bolǧan jaǧdaida, ekınşı tarap agressorǧa kömek körsetpeuge jäne jaǧdaidy BŪŪ Jarǧysy men halyqaralyq normalar negızınde retteuge järdemdesuge mındetteledı.
Taraptar Kaspii öŋırı, Ortalyq Aziia, Oŋtüstık Kavkaz jäne Taiau Şyǧysta beibıtşılık pen tūraqtylyqty nyǧaituǧa, būl aimaqtarda üşınşı memleketterdıŋ aralasuyna jol bermeuge uaǧdalasty.
Sauda-ekonomikalyq salada taraptar ūlttyq valiutalarmen esep aiyrysatyn tölem infraqūrylymyn damytudy, tıkelei bankaralyq bailanysty nyǧaitudy jäne ūlttyq qarjy önımderın keŋeitudı közdeidı.
Ūqsas jaŋalyqtar
