Elımızde jer uchaskelerın satyp aluǧa qatysty jaŋa pilottyq joba engızılıp jatyr. Būl turaly «Azamattarǧa arnalǧan ükımet» memlekettık korporasiiasynyŋ basqarma töraǧasy Süienış Äbdıldin mälım ettı dep habarlaidy "Adyrna" ūlttyq portaly.
«Jer uchaskesın alu prosesın jeŋıldetu maqsatynda bız kadastrlyq karta äzırledık. Mäselenı aldymen qoǧamnyŋ talqysyna salyp, jūrşylyqtyŋ pıkırı eskerıldı. Kartada jer uchaskelerıne qatysty barlyq aqparat körsetılgen. Jyljymaityn mülıktıŋ bıryŋǧai memlekettık kadastry aiasynda jer uchaskelerın egov.kz portalynda auksion arqyly ūsynu pilottyq jobasy ıske qosyldy», – deidı Süienış Äbdıldin Ortalyq kommunikasiialar qyzmetınde ötken baspasöz mäslihatynda.Basqarma töraǧasynyŋ aituynşa, pilottyq joba aiasynda alǧaşqy jer uchaskesınıŋ auksiony Aqtöbe qalasynda öttı.
«Aqtöbedegı jer uchaskesı basynda 51 480 teŋgeden bastalyp, auksion nätijesınde ol jer 6 647 611 teŋgege satyldy. Iаǧni bırneşe ese qymbat baǧaǧa satylyp otyr, tüsken paida memleket qazynasyna jıberıledı. Atalǧan pilottyq jobanyŋ taǧy bır artyqşylyǧy sybailas jemqorlyq ärekettıŋ aldyn alady. Sonymen qatar qyzmet körsetu merzımın jarty jyldan 1 aiǧa deiın qysqartuǧa mümkındık beredı. Odan bölek, jer uchaskesın satuda aşyqtyqty qamtamasyz etpek. Biyl mausymda atalǧan jobany elımızdıŋ barlyq öŋırınde engızu josparlanyp otyr», – deidı korporasiia basşysy.Eske sala ketsek, endıgı uaqytta kämelet jasyna tolǧan ärbır qazaqstandyq üiden şyqpai-aq 10 sotyq jerge eGov.kz arqyly ötınım bere alady.
"Adyrna" ūlttyq portaly
Ūqsas jaŋalyqtar
