Basty bet
Jaŋalyqtar
Alfa-Banktyŋ Qazaqstanda atauy özgerdı

Alfa-Banktyŋ Qazaqstanda atauy özgerdı

06.05.2022

4232

https://adyrna.kz/content/uploads/2022/05/744ff831-3359-4415-8a09-77fb069337ca.jpeg

"Bank SentrKredit" biyl nauryzda Reseige qarsy sanksiialarǧa ūşyraǧan Alfa-Bank Qazaqstandy satyp alu kelısımın jasady. Būl turaly BSK baspasöz qyzmetı mälımdedı, dep habarlaidy “Adyrna” ūlttyq portaly. "Alfa-Bank" AQ pen "Bank SentrKredit" AQ Qazaqstandaǧy "Alfa-Bank" EB AQ-ty satu turaly tübegeilı kelısımge keldı. "Bank SentrKredit" jai aksiialardyŋ 100 paiyzyn satyp alu arqyly Qazaqstandaǧy Alfa-Banktıŋ jaŋa aksionerı atanady. Qaita tırkeuden ötkennen keiın bank jaŋa ECO BANK brendımen jūmys ısteitın bolady. Tolyq atauy - "ECO BANK" EB AQ", - delıngen habarlamada.
BSK mälımetınşe, bank önımderınıŋ barlyq şarty klientter üşın özgerıssız qalady jäne SDN tızımınen şyǧu prosedurasy aiaqtalǧannan keiın klientter bank qyzmetınıŋ barlyq spektrıne qol jetkıze alady.
"Qazır tūtynuşylarymyzǧa yŋǧaily bolu üşın bcc.kz saitynda sūraq-jauap formatyndaǧy aqparattyq jadynama ornalastyryldy. Qosymşa sūraqtar boiynşa jeke tūlǧalar üşın 505, zaŋdy tūlǧalar üşın 605 nömırıne habarlasularyŋyzdy sūraimyz", - dedı BSK ökılderı.

BSK baspasözınıŋ mälımetınşe, Alfa-Bank Qazaqstandy satyp alu BSK jeke qarajaty esebınen qarjylandyrylǧan. Qazırgı uaqytta banktıŋ rebrendingı boiynşa jūmys bastalyp kettı, ol tolyǧymen qazaqstandyq bolady.
"Sanksiiaǧa ūşyraǧan banktı satyp alu Qazaqstanda alǧaş ret jäne barynşa qysqa merzımde jüzege asyrylyp jatyr. Osy tranzaksiianyŋ barlyq qatysuşysyna sättı nätije üşın alǧys aitamyn. Bız üşın basty basymdyq - tūtynuşylar sūranysyn şeşu. Sondai-aq, komandaǧa köŋıl bölıp, qyzmetkerlerdı jaŋa banktıŋ biznes-prosesterıne tartu", - dep tüsındırdı BSK basqarma töraǧasy Ǧalym Hūsaiynov.”Adyrna” ūlttyq portaly 

Ūqsas jaŋalyqtar