Bılım ministrı Ashat Aimaǧambetov "Bolaşaq" baǧdarlamasynyŋ tülekterımen kezdestı, dep habarlaidy "Adyrna" ūlttyq portaly.
Būl turaly ministr özınıŋ instagram paraqşasynda bölıstı.
"Bır jarym saǧattan astam uaqytqa sozylǧan kezdesude atqarylyp jatqan jūmystar turaly, baǧdarlamany odan ärı jetıldıru jäne qaita baǧdarlau, qazırgı stipendiattardyŋ taŋdauy köbırek boluy üşın elderdıŋ geografiiasy men universitetter sanyn keŋeitu turaly aittym. Sondai-aq bolaşaqtyqtardy qyzyqtyrǧan türlı sūraqtarǧa jauap berdım. Aldaǧy jūmysymyzda nazarǧa alatyn qyzyqty ūsynystar da aityldy. Sonymen qatar şeteldık üzdık oqu oryndarynda bılım alyp, bügınde otandastaryna paidasyn tigızıp, el damuyna maŋyzdy üles qosyp jürgen tülekterdıŋ äŋgımelerın tyŋdau da qyzyqty boldy", — dep jazdy ol.Öz sözınde ministr bırneşe mysaldar da keltırdı. "Mysaly, Diana Mombaeva Kanadanyŋ jetekşı joǧary oqu oryndarynyŋ bırı Kalgari universitetınde "Bolaşaq" baǧdarlamasy boiynşa bılım alyp, keiın Qostanai oblysyndaǧy tuǧan auyly Komsomolǧa oraldy. Ol qazır auyldyq mektepte tarih pänınen sabaq beredı. Sonymen bırge Diana balalarǧa aǧylşyn tılın de tegın üiretedı. Jas pedagog Kanadadan alǧan bılımınıŋ arqasynda auylda tūruǧa jäne de auyldastarynyŋ ömırın jaqsartu maqsatynda qaita oraluǧa bolatynyn balalardyŋ özıne qarap, tüsıngenın qalaitynyn aitty", — dep jazdy A.Aimaǧambetov.
Ol qazırgı taŋda qazaqstandyq mektepterde "Bolaşaqtyŋ" arqasynda älemnıŋ jetekşı universitetterınde bılım alǧan 800-den astam mūǧalım balalarymyzdy oqytyp jatqanyn, 600-den astam därıger jyl saiyn otandastarymyzdyŋ ömırı men densaulyǧyn saqtap qalu üşın on myŋdaǧan ota jasaitynyn jetkızdı."Bolaşaq" baǧdarlamasy arqyly bılım alǧan pedagogterdıŋ, därıgerlerdıŋ jäne basqa da türlı mamandyq ökılderınıŋ eŋbegı qoǧamymyz ben elımızge maŋyzdy ärı qajet. Bız "Bolaşaq" baǧdarlamasyn jetıldırudı jalǧastyramyz", — dep jazdy ministr.
"Adyrna" ūlttyq portaly.
