Bıyl Jambyl oblysynda joldardy jańǵyrtý men jóndeýge 16,2 mlrd teńge bólinedi. Bul týraly ákimdikte ótken jıynda oblystyq Jolaýshylar kóligi jáne avtomobıl joldary basqarmasynyń basshysy Baqytjan Jánibekov baıandady, dep habarlaıdy “Adyrna” ulttyq portaly.
Óńirde avtomobıl joldary men eldi meken kósheleriniń jalpy uzyndyǵy 10 038 shaqyrymdy quraıdy. Bıyl jol salasyna 16,2 mlrd teńge qarastyrylǵan (onyń ishinde 8,3 mlrd teńgesi respýblıkalyq bıýdjetten).
Bólingen qarjy Taraz qalasyndaǵy 9,4 shaqyrym joldy qaıta jańǵyrtýǵa jáne jalpy 605,2 shaqyrymdy quraıtyn oblystyq, aýdandyq mańyzy bar joldar men eldi meken kóshelerin ortasha jóndeýge baǵyttalady.
Jol jóndeý boıynsha barlyǵy 252 joba josparlanǵan, olar negizinen «Nurly jol», «Aýyl – El besigi», «Óńirlerdi damytý-2025» memlekettik baǵdarlamalary jáne jergilikti bıýdjetter sheńberinde júzege aspaq.
«Ókinishke qaraı, bir joldy jóndegennen keıin kelesi jyly sol bólikti taǵy da jańalaýǵa týra kelip jatady. Bul merdigerlerdiń sapasyz jumysynyń kórinisi. Mundaı tájirıbeni toqtatatyn kez keldi», – dedi oblys ákimi Nurjan Nurjigitov.
2025 jylǵa deıin jergilikti mańyzy bar 1220 shaqyrym joldy ortasha jóndeýmen qamtý josparlanýda.
Sondaı-aq jıynda qoǵamdyq kólik salasyna da kóńil bólindi. Óńirde 165 avtobýs marshrýttary uıymdastyrylǵan, onyń 19-y oblysaralyq, 25-i aýdanaralyq, 75 -i aýdanishilik jáne aýylishilik, 42jamy-si qalalyq baǵyttar bolyp tabylady. Bul baǵyttarda 1004 avtobýs qyzmet kórsetedi.
”Adyrna” ulttyq portaly
