Jambyl oblysyndaǧy "Merkı orman jäne januarlar düniesın qorǧau mekemesı" aumaǧynda qūrǧaq şöp örtendı. Būl turaly Tötenşe jaǧdailar departamentı mälımdedı, dep habarlaidy “Adyrna” ūlttyq portaly.
Mälımet boiynşa, 2023 jylǧy 2 tamyzda Merkı audany Aqtoǧan auylynan 20 km jerde tauly aumaqta aldyn ala boljammen 200 ga alaŋda quraǧan şöp janǧan.
“Qazaviaormanküzetınıŋ su jinau qūrylǧysy bar (1,5 tonna) An-2 ūşaǧymen aerovizualdy barlau jäne söndıru jūmystary jürgızıldı. Ört oşaqtaryna äueden 11 ret su tögıldı (şamamen 16,5 tonna). QR TJM "Qazaviaqūtqaru" AQ EO-145 tıkūşaǧymen aerovizualdy barlau jürgızılude”, – delıngen habarlamada.
Örttı söndıru üşın Qazormanavia küzetınıŋ, jergılıktı atqaruşy organdardyŋ jäne Jambyl oblysy TJD küşterı men qūraldarynan 161 adam, 24 bırlık tehnika, 2 ūşaq jäne 1 tıkūşaǧy jūmyldyrylǧan.
