Jambyl oblysy Kökbastau auylyndaǧy Amangeldı orta mektebınıŋ 10-synyp oquşysy öz- özıne qol jūmsady. Būl turaly aqparat äleumettık jelılerde paida bolyp, keiın polisiia rastady, dep habarlaidy “Adyrna” ūlttyq portaly.
Halyqstan mälımetınşe, 15 jastaǧy bala tolyq emes otbasynan şyqqan. Ol alty balanyŋ bırı bolǧan.
Tört jyl būryn äkesı ūzaqqa sozylǧan aurudan qaitys bolypty. Anasy balalaryn jalǧyz özı tärbielep kelgen. Auyl tūrǧyndary otbasy jaily tek jaqsy pıkır aitqan.
"Būl bala tärbielı edı, eşqandai agressiiasy nemese suisidke beiım mınez-qūlqy baiqalmaǧan", – dep jazady Halyqstan Telegram arnasy.Qūqyq qorǧau organdary suisidtıŋ sebepterın anyqtauda. Jambyl oblystyq polisiia departamentınıŋ mälımetınşe, qazırgı taŋda QR Qylmystyq kodeksınıŋ “Öz-özıne qol jūmsauǧa itermeleu" babymen sotqa deiıngı tergeu bastalǧan.
“Oqiǧa ornyna jedel tergeu toby, - prokuratura, Bılım basqarmasynyŋ ökılderı, psihologtar jäne Bala qūqyqtary jönındegı uäkıl bardy. Tergeudıŋ obektivtılıgı men jan- jaqtylyǧyn qamtamasyz etu üşın barlyq şaralar qoldanylyp jatyr”, - delıngen polisiia departamentınıŋ resmi habarlamasynda.
Ūqsas jaŋalyqtar
