8-qabattan qūlap ketuge şaq qalǧan säbidı qūtqaryp qalǧan Säbit Şontaqbaev pen Saǧi Jylqyşievtıŋ erlıgı qoǧamda qyzu talqyda. Al onyŋ erlıgın taspaǧa tüsırıp alǧan elordalyq tūrǧyn öz eŋbegınıŋ eskerusız qalǧanyna qapaly. Būl turaly Nege.kz tılşısı Baqyt Chetenovamen söilesıp, oqiǧanyŋ qalai örbıgenın öz auzynan estıgen, dep habarlaidy “Adyrna” ūlttyq portaly.
“Men qazır dekrettık demalysta otyrǧan anamyn. Sol künı kün ystyq bolǧandyqtan terezenı aşyp qoiǧanmyn. Kenet syrttan köp adamnyŋ aiqailaǧan dauysyn estıdım. Men alǧaş körgenımde, Säbit terezege ūmtylyp jatyr eken. Dereu telefonyma jügırıp, taspaǧa tüsırdım. Sebebı, abaisyzda bala mert bolsa, Säbittıŋ kınäsızdıgın tek videomen däleldeuge bolady dep oiladym. Abyroi bolǧanda, büldırşın aman qaldy. Videony lezde, körşılerdıŋ äleumettık jelıdegı paraqşasyna jıberdım. Sosyn barlyǧymyz syrtqa şyqtyq. Süt pısırım uaqytta men tüsırgen video qoǧamdyq rezonanstyŋ tuuyna sebepker boldy. Säbit pen Saǧidyŋ üilı boluyna sol videonyŋ septıgı tidı dep oilaimyn”, - dedı ol.
Üş balanyŋ anasy Baqyttyŋ aituynşa, Qazaqstanda erlık körsetken batyrlardyŋ ısı körınbei qalyp jatyr. Sondyqtan lezde videoǧa tüsırıp alǧan. Alaida Baqyt Säbit pen Saǧiǧa renjeulı.
“Olar köptıŋ qolynan kele bermeitın naǧyz erlık ıstedı. Säbit üşın de, Saǧi üşın de öte quanyştymyn. Säbittıŋ üilı bolǧanynan habardar bolǧan soŋ, qūttyqtaiyn dep habarlastym. Tūtqasyn kötermedı. Vatsabyna habarlama jazǧan edım. Oqydy, bıraq jauap qaitarmady. «Videoǧa tüsırgenıŋız üşın raqmet!» dese boldy ǧoi. Maǧan eşkım alǧys aitpady.
Tıptı äleumettık jelıde köp halyq «Osy oqiǧa videoǧa tüsıp qalmaǧanda Saǧi men Säbittıŋ erlıgı eleusız qalatyn edı» dep jazyp jatyr eken. Men de solai oilaimyn. Sol video tıptı Britaniia, Koreia, AQŞ siiaqty elderge de tarap ketıptı. Barlyq telearna sol videomen siujet jasady. Bıraq menı avtor retınde körsetpegen. Tek bır ǧana sait syiaqy berıp, videonyŋ avtory retınde menıŋ esımımdı jazyp jariialady”,- dep renışın bıldırdı ol.
“Adyrna” ūlttyq portaly
