Memleket basşysy Qasym-Jomart Toqaev BAÄ prezidentı şeih Mūhammed ben Zaid Äl Nahaianmen telefon arqyly söilestı. Būl turaly Aqordanyŋ baspasöz qyzmetı 1 nauryzda aitty, dep habarlaidy «Adyrna» tılşısı.
Qazaqstan prezidentı Taiau Şyǧystaǧy ahualdyŋ uşyǧuyna alaŋdauşylyq bıldırıp, Ämırlıkterdıŋ basşylyǧy men barşa halqyna şynaiy qūrmetın, qoldauy men tılektestıgın jetkızdı.
Qasym-Jomart Toqaev qaruly qaqtyǧys barysynda Bırıkken Arab Ämırlıkterınıŋ azamattyq infraqūrylymyna zaqym kelgenıne qynjylatynyn aitty.
«Qazaqstan Bırıkken Arab Ämırlıkterın dostas ärı bauyrlas el retınde qarastyrady, qajet jaǧdaida qal-qaderınşe kömektesuge daiyn»,- dedı ol.
Memleket basşysy BAÄ azamattyq nysandaryna, sondai-aq Şyǧanaqtaǧy basqa da elderge jasalǧan şabuyl qataŋ aiyptaluy kerek dep sanaidy.
Şeih Mūhammed ben Zaid Äl Nahaian elımızdıŋ qoldauyn joǧary baǧalap, qazırgı halyqaralyq daǧdarysty eŋserude kömek körsetuge yqylas tanytqany üşın rizaşylyǧyn bıldırdı.
Äŋgımelesu barysynda taraptar Qazaqstan men BAÄ arasyndaǧy dostyq qarym-qatynas pen strategiialyq serıktestıktı nyǧaituǧa beiıl ekenın rastady. Sondai-aq qasiettı Ramazan aiynda ekı eldıŋ halqyna beibıtşılık pen baq-bereke tıledı.
