Jiyn barysynda Qazaqstan azamattyǧyna qabyldau jäne odan şyǧu mäselelerı qarastyryldy.
Memleket basşysy tiıstı Jarlyqqa qol qoiǧannan keiın taiau jäne alys şetelderden kelgen ärtürlı etnostyŋ 587 ökılı bızdıŋ elımızdıŋ azamattaryna ainalady.
– Qazaqstan azamaty boludy qalaityndar sany jyldan jylǧa artyp keledı. Atalǧan jait Qazaqstandaǧy azamattyq instituttyŋ halyqaralyq bedelı artqandyǧyn, memlekettıŋ äleumettık-ekonomikalyq jüiesınıŋ tūraqtylyǧyn, etnosaralyq qarym-qatynas mädenietınıŋ damyǧandyǧyn aiǧaqtaidy.
Būl Elbasy Nūrsūltan Äbışūly Nazarbaev ūsynǧan, ūzaq merzımge arnalǧan «Qazaqstan – 2050» strategiiasynyŋ jüielı jüzege asyryluynyŋ arqasynda mümkın boldy.
Bız jaŋa qazaqstandyqtarǧa baqytty ömır tıleimız jäne endı olardyŋ öz Otany bolyp sanalatyn elımızdıŋ igılıgı jolynda tiımdı eŋbek etulerıne niettestık bıldıremız. Elımızdıŋ laiyqty azamattary bolyp, täuelsız Qazaqstannyŋ odan ärı damuyna olardyŋ da öz ülesın qosatynyna senımdımın, – dedı Memlekettık hatşy.
Komissiia otyrysynyŋ qorytyndysy boiynşa tiıstı şeşımder men ūsynymdar qabyldandy.
QR prezidentınıŋ resmi saity
