«Türkıtıldes jurnalister qory» qoǧamdyq qorynyŋ ūiymdastyruymen Almaty, Şymkent, Qostanai qalalarynda «Fake news. Fact-checking. Information manipulation» taqyrybynda seminar-trening ötkızıldı, dep habarlaidy “Adyrna” ūlttyq portaly.
Atalǧan jobaǧa Qazaqstandaǧy Amerika Qūrama Ştattary diplomatiialyq missiiasy qoldau bıldırdı. 2022 jyldyŋ 8-9 säuırı men 11-12 säuırınde Almaty, Şymkentte ūiymdastyrylǧan seminar-treningke Britaniiadan «Avrupa» media holdingınıŋ qojaiyny, jurnalist Vatan Öz ben VVS telearnasynyŋ Niderlandtaǧy menşıktı tılşısı Iýsuf Özkan şaqyryldy.
Şaraǧa Almaty qalasymen bırge Qazaqstannyŋ barlyq oblys, audan, aimaqtaryndaǧy telearna, gazet, sait, radioarnalarda jūmys ısteitın 80 jurnalist qatysty.
Jobanyŋ basty maqsaty – jurnalisterdıŋ aqparat alu jäne taratudaǧy käsıbi bılıgın arttyru, faktchek jasau täsılderın meŋgertu, derekterdı tekseru, jalǧan aqparatpen küresuge ündeu.
«Būl joba negızınen 2021 jyldyŋ 25-şı qaraşasynda bastaldy, ZOOM platformasy arqyly tört aiǧa sozylǧan onlain kurs 2022 jyldyŋ aqpanynda aiaqtaldy. Seminardyŋ basty maqsaty – jalǧan aqparattarmen küres, BAQ pen äleumettık jelılerdegı aqparattyq manipuliasiiany anyqtau, derekterdı tekseru, faktchek jasau. Oǧan qosa aqparattyq monipuliasiiadan aulaq bolu jaily üirenedı»,-dedı «Türkıtıldes jurnalister qory» qoǧamdyq qorynyŋ prezidentı Naziia Joiamergenqyzy.Almatydaǧy seminar-treningtıŋ aşylu saltanatyna Qazaqstandaǧy Amerika Qūrama Ştattarynyŋ Bas konsuly Kerolain Sevidj qatysyp, jurnalistermen kezdesu kezınde jalǧan aqparatpen kürestıŋ maŋyzyna toqtaldy.
«Jurnalist kez kelgen aqparatty jariialaǧanda adamdardy adastyrmau üşın jauapkerşılıktı sezıngenı jön. Odan bölek älemdegı tyŋ aqparatty tarata bıl jurnalisterdıŋ artyqşylyǧy dep bılemın. Pandemiia bastalǧaly koronavirus pen vaksinaǧa qatysty dezinformasiia men konsperialogiialyq aqparattardyŋ qalai tez taraǧanyn barlyǧymyz kördık. Ökınışke qarai ol virusqa qaraǧanda tez tarady. Oǧan qosa Reseidıŋ Ukrainaǧa basyp kıruı men klimattyŋ özgeruı jäne özge de mäselelerdı mysalǧa keltıruge bolady. Sol sebepten sızderdıŋ jūmystaryŋyzda mūqiiattylyq pen bılıktılıktıŋ joǧary bolǧany maŋyzdy»,-dedı Bas konsul.
Almatydaǧy saltanatty keşte «Avrupa» mediaholdingınıŋ jetekşısı Vatan Öz Türkıtıldes jurnalister qorynyŋ prezidentı Naziia Joiamergenqyzyn Europadaǧy türkı jurnalister assosiasiiasynyŋ atynan «PRESS AWARDS-2022» syilyǧymen marapattady.
”Adyrna” ūlttyq portaly
Ūqsas jaŋalyqtar
