Memleket basşysy Qasym-Jomart Toqaev BAÄ Prezidentı şeih Halifa ben Zaid Äl Nahaiannyŋ qaitys boluyna bailanysty osy eldıŋ jaŋadan sailanǧan Prezidentı şeih Mūhammed ben Zaid Äl Nahaianǧa jäne bileuşı äulettıŋ müşelerı men Ämırlıkter halqyna köŋıl aitu üşın Bırıkken Arab Ämırlıkterıne bardy. Būl turaly Aqordanyŋ resmi saity mälımdedı, dep habarlaidy “Adyrna” ūlttyq portaly.
Köşbasşylardyŋ kezdesuı Abu Dabidegı Qasru-l Muşrif Prezident saraiynda öttı.
Memleket basşysy Qazaqstan halqynyŋ jäne jeke özınıŋ atynan köŋıl aityp, şeih Halifanyŋ eldı örkendetu jolyndaǧy eren eŋbegın atap öttı.
Memleket basşysy Qazaqstan halqynyŋ jäne jeke özınıŋ atynan köŋıl aityp, şeih Halifanyŋ eldı örkendetu jolyndaǧy eren eŋbegın atap öttı.
“Ämırlıkterdıŋ el ışındegı jäne halyqaralyq deŋgeidegı köptegen jetıstıgı şeih Halifanyŋ esımımen bailanysty. Onyŋ dana basşylyǧymen BAÄ Taiau Şyǧystaǧy beibıtşılık pen tūraqtylyqtyŋ küştı jaqtauşysy boldy, sonymen qatar bükıl arab älemı üşın qarqyndy ekonomikalyq ösu men äleumettık damudyŋ ülgısı boldy. Sondyqtan bız onyŋ qaitys boluyn BAÄ üşın ǧana emes, bükıl älem qoǧamdastyǧy üşın orasan zor qaiǧy dep qabyldaimyz”, – dedı Qasym-Jomart Toqaev.Qasym-Jomart Toqaev şeih Halifa ben Zaid Äl Nahaiannyŋ Qazaqstan men Ämırlıkter arasyndaǧy qatynastardy damytuǧa eleulı üles qosqanyn atap öttı. Kezdesu barysynda Qasym-Jomart Toqaev şeih Mūhammed ben Zaid Äl Nahaiandy BAÄ Prezidentı bolyp sailanuymen qūttyqtap, onyŋ basşylyǧymen ämırlıkterdıŋ odan ärı güldene beretınıne senım bıldırdı. BAÄ Prezidentı öz kezegınde osyndai auyr jaǧdaida arnaiy kelıp, jeke qoldau körsetkenı üşın Qazaqstan köşbasşysyna rizaşylyǧyn bıldırdı, sondai-aq elorda köşelerınıŋ bırıne şeih Halifanyŋ aty berıletınıne alǧysyn aitty. Kezdesu soŋynda Memleket basşysy BAÄ Prezidentın Qazaqstanǧa saparmen keluge şaqyruyn naqtylady.
”Adyrna” ūlttyq portaly
Ūqsas jaŋalyqtar
