Almaty oblysynyń Tekeli qalasynda qatty sel júrip, kósheler men úılerdi basyp qaldy. Tótenshe jaǵdaıdan 5 jasar qyz iz-tússiz ketti. Bul týraly oblystyq TJD baspasóz qyzmeti málimdedi, dep habaplaıdy “Adyrna” ulttyq portaly.
Tekelidegi seldiń qatty bolǵany sonsha, laı sý qala kósheleri men úılerdi búldirgen. Qazir oqıǵa ornynda qutqarýshylar jumys istep jatyr.
"Saǵat 12: 00-de Qonaev kóshesi boıynsha 350, 348 úıler aýdanynda topyraqtyń qatty ylǵaldanýy nátıjesinde kóshkin júrip, turǵyn úılerge balshyq basyp qalǵany týraly habarlama kelip tústi. Úı ıeleriniń aıtýynsha, 5 jasar qyzy habar-osharsyz ketken. Jergilikti atqarýshy organdar máseleni joıý jóninde jedel shtab qurdy. Zardap shekken otbasylar qaýipsiz jerge kóshiriletin bolady", - dep málimdedi oblystyq TJD baspasóz qyzmeti.
Ázirge onyń ómirine qatysty naqty aqparat joq. Selden qandaı shyǵyn kelgeni ázirge belgisiz. Oqıǵa ornynda mamandar men qutqarýshylar jumys istep jatyr.
“Adyrna” ulttyq portaly
