“Ūly dala taŋy” degen filmdı tamaşalap keldık. Alla degen sözden qūlaq tūndy. Namazǧa da qaita-qaita jarnama jasady. Aqan Sataev jürgen jerde dınnıŋ üstemdık etetını "Qazaqfilmge" basşy bolyp kelgennen-aq bılıp jürdık.
Aqordadaǧy ideologtarmen kelısıp tüsırgendıkten olar halyqty tügel tıze büktırıp imandylyqqa bet būrǧyzǧysy keledı me degen oi keldı. Şähid, Ǧazauat degen kırme sözder örıp jür. Erık Joljaqsynov qana Alla dei beruge auzy barmaǧan siiaqty bolyp körındı.
Filmde qazaqtarǧa "Ǧazauat" jariialaidy. Maǧynasy - arabtardyŋ dın jolyndaǧy qasiettı joryǧy..
Keiıpkerlerdı barynşa ör tūlǧaly, ırı, etıp körsetkısı kelgen. Ony obektivtıŋ tüsıru biıktıgınen köruge bolady. Jerge jaqyn alyp tüsırgen, al adamǧa kelgende kökırek tūsynan joǧarylamaidy.
Öresı tömen adam dındar bolsa, tıptı qiyn eken. Tekst älsız, tym qarabaiyr. "Köşpendıler" filmınıŋ jalǧasy siiaqty tüsırılgen. Bıraq ondaǧy vijual qatelerdı qaitalamaǧan.
Masştab bar. Krupnyi planmen tabiǧattyŋ äsemdıgın maidan dalasyn, şaiqasu sätterın jaqsy körsetken. Ekı kadrdy ainytpai Ridli Skottyŋ "Sarstvo nebesnoe" filımınen alypty. Körgen adam bırden tanidy.
Qūdai, täŋır, äruaq degen bır tüiır söz aitylmady. Soŋyna deiın küttım. Tıptı soŋynda şyǧatyn jazudan da alyp tastaǧan. "Babalarǧa baǧyştalady" dep qatyrady.
Messedj tüsınıktı. El bolaiyq, bırıgeiık degenge saiady. Bıraq dındı nege būlai qarabaiyr jolmen tyqpalaǧany tüsınıksız.
Menıŋ oiymşa, islam erkındıktı süietın, qūldyqty moiyndamaityn, ädıletsız hanǧa baǧynbaityn köşpendı halyqtyŋ filosofiiasyna kelmeidı. İslam dını - hanǧa qarsy şyqpaityn, otyryqşy halyqtarǧa maidai jaǧady. Al köşpendıler han ūnamasa köşıp kete salatyn bolǧan.
Abzal Dosym,
jurnalist, bloger.
