Májilistiń eks-spıkeri Nurlan Nyǵmatýlınniń uly Nurjan Nurlanov «QazMunaıGaz-Aero» kompanııasynyń bas dırektory qyzmetinen ketip, onyń ornyna Ildar Shamsýtdınov taǵaıyndaldy, dep habarlaıdy "Adyrna" ulttyq portaly.
Bul týraly https://t.me/dalainside telegramm kanaly jazdy.
Nurjan Nurlanov bul qyzmetke 2019 jyldyń aqpan aıynda taǵaıyndalǵan bolatyn. Qańtar oqıǵasynan keıin onyń ákesi Nurlan Nyǵmatýlın QR Parlamenti Májilisiniń tóraǵasy qyzmetinen ketti.
Atalymysh kompanııa 2014 jyly qurylǵan bolatyn. Úkimettiń Qaýylysymen «QazMunaıGaz-Aero» kompanııasy QR Qorǵanys mınıstrligine, QR UQK Shekara qyzmetine, Ulttyq gvardııaǵa jáne Tótenshe jaǵdaılar mınıstrligine qajetti benzın, dızel otyny, mazýt jáne avıa janarmaı jetkizetin birden-bir kompanııa bolyp bekitilgen-di.
Iaǵnı, «QazMunaıGaz-Aero» kompanııasy ózderiniń ónimin kimderge satamyz dep bas aýyrtqan emes. Munaı óńdeý zaýyttarynan qajetti janarmaıdy alyp, satyp alýshyǵa esh qınalmaı jetkizip beredi.
Qazirgi tańda ár oblysta janar-jaǵarmaı jetkizý isimen aınalysatyn shaǵyn kompanııalar bar. «QazMunaıGaz-Aero» syndy kompanııalar olardy tunshyqtyryp otyrǵany jasyryn emes.
"Adyrna" ulttyq portaly
