Qazaqstannyŋ Reseidegı eks-Elşısı İmanǧali Tasmaǧambetovtıŋ Qazaqstan golf federasiiasynyŋ prezidentı bolyp taǧaiyndaluyna qazaqstandyqtar narazylyq bıldırdı. Jelı qoldanuşylary atalǧan golf-klubtaryn kımnıŋ jäne qandai qarajatpen aşatynyna taŋǧaldy, dep habarlaidy "Adyrna" ūlttyq portaly "Azattyq Rýhy" saityna sılteme jasap.
18 mamyrda Qazaqstan golf federasiiasynyŋ jaŋa prezidentı bolyp İmanǧali Tasmaǧambetov sailanǧany belgılı boldy. Būl aqparat qazaqstandyqtardyŋ aşuyn keltırdı.
"Jaqynda Qazaqstan golf federasiiasynyŋ basşysyn qaita sailau turaly aqparat tarady. Ony kım taŋdady? Sol golfterın aitpai-aq, adamdardy aşulandyrmasa jaqsy bolar edı. Olar ne aitqysy keldı? Golf klutaryn kım saldy, oǧan qarjyny qaidan aldy? Būlar elita retınde körıngısı keledı, tüptıŋ tübınde qai jerden şyqqanyn ūmytyp kettı me? Olar jaqsy degen kurorttyq oryndardy tartyp aldy, ne bolmasa bıreudıŋ aqşasyna saldy. Tıptı sol klub memlekettıkı boluy da äbden mümkın, äiteuır öz küşterımen salmaǧany anyq. Būl golf klubtarynyŋ jerı men mülkınıŋ iesı kım? Eger memleket bolsa, onda barlyq adamdarǧa arzan baǧamen qoljetımdılıktı qamtamasyz etsın. Al eger jeke adam aşsa, onyŋ mūndai oryndy qalai alǧanyn tekseru kerek emes pe? Aitpaqşy, Qazaqstan Respublikasynyŋ jer kadastrynyŋ saitynda Şuchinsk maŋyndaǧy golf kluby jerınıŋ menşık qūqyǧy joq. Mūny qalai tüsınuge bolady?", - dep jazdy feisbukte Rüstem Janseiıtov.Jelıde kommentatorlardyŋ köpşılıgı onyŋ sözın qoldady. "Qarapaiym halyq ta oinaǧysy keledı. Barlyǧy bızdıŋ aqşaǧa salynǧan", "Kelısemın. Aqyryndap būlar özderınıŋ "elita" ekenderın körsetıp jatyr. Halyq esebınen elitaǧa arnalǧan nysandar saludy toqtatu kerek", "Mūnyŋ biudjetpen bailanysy bar ma, salyqtar tolyq tölenıp jatyr ma, sony bılu kerek" — delıngen pıkırlerde.
"Adyrna" ūlttyq portaly.
Ūqsas jaŋalyqtar
