Oralda 2 mıllıon dollarǵa salynǵan muz alańy jaramsyz bolyp shyqty

2510
Adyrna.kz Telegram
Foto: Elitar.kz
Foto: Elitar.kz

Oralda 2 mıllıon dollarǵa salynǵan muz alańy jaramsyz bolyp shyqty,  dep habarlaıdy "Adyrna" ulttyq portaly Elitar.kz portalyna siltep. 

Basylymnyń málimetinshe,  alańnyń muzyn eritpeı, qatyryp turatyn tońazytqyshtyń sapasy nashar. Bul jasandy muz alańyn 2 mıllıon dollarǵa salyp bergen kompanııa jińishke kabel júrgizgen. Bul iske jaýapty kásipker 1,5 mıllıard teńge bıýdjet qarjysyn jymqyrǵany úshin isti bolyp, túrmede otyr.

"Negizi, tońazytqyshtyń úsheýi de jumys istep tur. Kádimgi kondııonerge freon quıatynyndaı, bularǵa da muz qatyratyn túrli hımııalyq qospa quıý kerek. Alaıda, kabeldi iske qosýǵa qorqyp otyrmyz, óıtkeni kezinde merdiger kabeldi jańasyna aýystyrdyq dep sendirgen, biraq olar órtengen kabeldiń ornyna dál sondaı sym júrgizgen. Sondyqtan bıylǵy maýsymda tońazytqyshtardy kezek-kezek qosyp amaldap shyqtyq, - deıdi BQO Joǵary sporttyq sheberlik mektebiniń dırektory Ashat Shaıhıev.

Muz aıdynynyń qurylysyna BQO-daǵy Qarashyǵanaq kenishin ıgerip jatqan sheteldik kompanııa 2 mıllıon dollar ınvestıııa quıǵan. Jospar boıynsha kún 10 gradýsqa jylynsa da, alańdaǵy úsh tońazytqysh muzdy eritpeı, qatyryp turýy tıis edi.

"Adyrna" ulttyq portaly

 

Pikirler