Älemde jaŋa maimyl şeşegı dep atalatyn virustyŋ taralu qauıpı joǧary. Qazaqstandyq ǧalymdar maimyl şeşegıne qarsy otandyq vaksina jasap şyǧuǧa jarty jyldai uaqyt ketetındıgın aitty. Būl turaly 24.kz arnasy jariialady, dep habarlaidy “Adyrna” ūlttyq portaly.
Qazır älemnıŋ 14 elınde 200-den astam adam osy virusty jūqtyrǧan. Būl qauıptı virus Qazaqstanǧa keluı de mümkın deidı mamandar.
«İä, maimyl şeşegınıŋ Qazaqstanǧa kelu qaupı joǧary. Öitkenı bızdıŋ turister Saud Arabiiasyna, Türkiiaǧa nemese Afrika men özge de elderge jiı barady. Sondyqtan jaman aitpai jaqsy joq. Qauıptı virus kele qalǧan jaǧdaida bız tastüiın daiyn boluymyz kerek», – deidı biologiialyq qauıpsızdık mäselelerı ǦZİ asa qauıptı infeksiialar zerthanasynyŋ meŋgeruşısı Lesbek Qūtymbetov.Qazaq biologiialyq qauıpsızdık mäselelerı ǧylymi zertteu instututynyŋ mamandary koronavirusqa qarsy otandyq vaksinany oilap tapqan. Qazaqstandyq ǧalymdar endı maimyl şeşegı mäselesın erterek qolǧa aludy közdep otyr. Öitkenı Düniejüzılık densaulyq saqtau ūiymynyŋ mälımetı boiynşa maimyl şeşek virusy mutasiiaǧa ūşyrap, adamnan adamǧa jūǧu qabıletıne ie bolǧan.
«Bızdıŋ institut şeşek virustarymen köp jyldardan berı ainalysady. Sondyqtan täjıribe jetkılıktı. Mäselen, siyr şeşek jäne maimyl şeşek bır top desek, olardyŋ arasynda immundyq antigen bailanysy bar. Sondyqtan bır virus basqa virusqa qarsy immunitettı oŋai jasai alady. Mysaly, siyr virusynyŋ şeşek auruyna qarsy immunitettı qūrudaǧy belsendılıgı öte joǧary», – dep atap öttı ǧalym.Mamandar maimyl şeşegıne qarsy vaksinany 6 aidyŋ ışınde jasap şyǧa alatyndyǧyn aitty.
«Eger siyr virusyna negızdelgen vaksina bolsa, onda jedeldetılgen türde, al kovid-19 kezındegıdei jūmys ıstesek 6 aida vaksinany daiyndap şyǧuǧa bolady. Odan keiın klinikaǧa deiıngı jäne klinikalyq synaqtar bar. Iаǧni Densaulyq saqtau ministrlıgıne de bailanysty bolady. Mäsele olardyŋ bızge qanşalyqty qoldau körsetuınde», – deidı ǧylymi-zertteu institutynyŋ zerthana meŋgeruşısı.
”Adyrna” ūlttyq portaly
Ūqsas jaŋalyqtar
