Soltüstık Qazaqstan oblysynyŋ tūrǧyny, TikTok äleumettık jelısındegı jazǧan pıkırıne bailanysty bes jylǧa bas bostandyǧynan aiyru jazasyna kesıldı. Būl jaǧdai Qazaqstannyŋ aumaqtyq tūtastyǧyn būzudy nasihattau dep baǧalanyp, eldıŋ zaŋnamasyna säikes, äieldıŋ ısı qylmystyq jauapkerşılıkke tartyldy, dep habarlaidy “Adyrna”.
2025 jyly äiel Petropavl qalasynyŋ atauy talqylanǧan TikTok beineroligınıŋ astyna pıkır qaldyrǧan. Onyŋ pıkırınde qala Reseige tiesılı boluy kerek degen oi aitylǧan, ärı «aumaqtardyŋ qaitaryluy» turaly da aitqan.
Tergeuşıler būl pıkırdı Qazaqstannyŋ aumaqtyq tūtastyǧyn būzuǧa baǧyttalǧan dep tapty. Bır qoldanuşy osy jazbany e-Otinish platformasy arqyly şaǧym retınde jıbergen.
Tergeu barysynda äieldıŋ jeke basy anyqtaldy, onyŋ telefony tärkılenıp, saraptama jürgızıldı. Psihologo-filologiialyq saraptama nätijesınde, äieldıŋ jazǧan pıkırınen tyiym salynǧan nasihattyŋ belgılerı tabylǧan. Sotta aiyptaluşy kınäsın moiyndamady, onyŋ aituynşa, ol tek babasynan estıgen «tarihi fakt» turaly aitqan jäne būl pıkırdı qylmystyq jauapkerşılıkke äkeletının boljaǧan joq.
Aiyptaluşy öz pıkırın «dūrys jetkıze almai qalǧanyn» jäne TikTok algoritmderınıŋ tolyq oi jetkızuge kedergı jasaǧanyn mälımdedı. Sonymen qatar, äleumettık jelı qoldanuşylary oǧan eskertu jasap, zaŋdy jauapkerşılıkke tartyluy mümkın ekenın aitqan.
Sot äieldı QR Qylmystyq kodeksınıŋ 180-babynyŋ 2-bölıgı boiynşa kınälı dep tauyp, orta qauıpsızdık mekemesınde bes jyl bas bostandyǧynan aiyru jazasyn taǧaiyndady. Ükım şyǧaru kezınde aiyptaluşy sot zalynda qamauǧa alyndy. Ükımnıŋ zaŋdy küşıne enuı älı kütılude.
