"Irına Kaıratovna" tobynyń múshesi men kópshilik Shiza dep tanıtyn Ashat Jolshıev Almatydaǵy konert kezinde sahnaǵa Qazaqstannyń týyn alyp shyǵyp, beıádep qylyq kórsetken, dep habarlaıdy «Adyrna» ulttyq portaly Stan.kz –ke silteme jasap.
25 mamyrda Almatydaǵy Balýan Sholaq atyndaǵy sport saraıynda ótken konerttiń arty daýǵa ulasty. Onda Shiza kók týdy qolyna orap alyp, balaǵat sózderin qoldanǵan. Al "Irına Kaıratovna" tobynyń múshesi Azamat Marklenov belgisiz sebeppen kúlip, ony qoldaǵandaı qylyq kórsetken.
Halyq eki ánshini qatań synǵa aldy.
"Sahnadan máńgi alastatyp jiberý kerek bulardy. Sosyn tynyshtalady", "Ózin syılaıtyn árbir adam mundaı konertterge barmaý kerek", - dep jazdy jeli qoldanýshylary.
Sondaı-aq, óner juldyzdary atalǵan eki ánshini jazalaýdy talap etti.
"Kıeli kók týymyzdy myna qasıetsiz ýqalap, qol oramal qyldy- aý. Aıaqqa taptap... Genadıı Golovkın - ulty ózge bolsa da, rıngte ulttyq shapan kıip, kók týymyzdy jelbiretip, talaı kózimizge jas keltirip, júregimizdi tebirentip edi! Kók tý- memlekettik rámiz! Ony qorlaýǵa jol joq! Myna maqulyq (aspandaǵy juldyz bolsa da) jaýapqa tartylýy kerek! Vıdeomen keshirim suraǵandar keshirilmesin! Zań boıynsha jazalansyn!" - deıdi Merýert Túsipbaeva.
Ashýǵa mingen Nurlan Alban bolsa Shiza-ny aıaýsyz synǵa alyp, ony “haıýanǵa” teńedi.
"Meniń mıyma qan quıylaıyn dep otyr. Qazaqtyń jigitteri dep aıtady. Qazaq bolmaı ket sen. Atsań atyp jiber! Qansha juldyz bolsań da, aspannan aıaǵyń salbyrap tússe de, sen adam emes ekensiń. Haıýan ekensiń. Olardyń aıtqanyn aıtýǵa aýzym barmaıdy. Biz bala tárbıelep otyryp, sol balany qaıtsek qazaqylandyramyz, qaıtsek ulttyq rýhty sińiremiz, qaıtsek solardyń tárbıesimen aınalysamyz dep jatqanda, olardyń kórsetip otyrǵan tárbıesi, úlgisi mynaý ma?" - dep ashýlandy Nurlan Alban.
Ol atalǵan eki ánshini jazalaýdy talap etti.
“Quzyrly organdardan, joǵary shendi sheneýnikterden, mınıstrlikten mynaǵan toqtaý salatyn adam bar ma? Mynalardyń quıryǵyn kesip quntıtyp, qulaǵyn kesip, ortadan alastaý kerek. Tipti, qolyna mıkrofon bermeı, sahnaǵa jolatpaıtyndaı jasaý kerek. Mynaǵan ne deısiz, aǵaıyn? Jaýap beretin bireý bar ma?" – dedi Alban.
«Adyrna» ulttyq portaly
