Semei qalasynda bolǧan tılsız jaudan ekı adamnyŋ ömırın Jambaev Däuren esımdı azamat qūtqaryp qaldy. Būl turaly qoǧam belsendısı Burahan Dahanov Facebook paraqşasyna jariialady, dep habarlaidy “Adyrna” ūlttyq portaly.
“Keşe chempiondar ligasyn körıp otyrǧanbyz, aiaq asty körşı maŋaidan ört şyqqanyn körıp bırden dalaǧa şyqtym. Söitsem üidıŋ janyndaǧy «Banzai» kafesı janyp jatyr eken. Jügırıp baryp ışınde adam joq pa dep kırsem bır jas jıgıt esınen tanyp qūlap qalypty. Ony dalaǧa alyp şyǧyp, alǧaşqy kömek körsettım. Ol esın jiǧan bette ışınde taǧy adam baryn aitty, bıraq örttıŋ auqymy keŋeiıp barady, jalyn bet qaratar emes, tereze jaqtan bır ştordy jyrtyp alyp ışıne kırıp kettım, älgı adam esıktı ışten jauyp alypty. Özım esımnen tanyp qala jazdap, syrtqa şyǧyp, ǧimaratty ainalyp terezege kırpış laqtyryp şaqtym, ekınşı adam esın bırden jiǧandai boldy, oǧan kömek körsetıp syrtqa alyp şyqtym. Ary qarai ört söndıruşıler kelıp öz jūmystaryn atqardy”, - deidı Däuren.
Sondai-aq, Däuren öz ömırın bäigege tıgu turaly eşqandai oiy bolmaǧanyn aitty.
“Men eŋ bırınşı kezekte ört söndıru qyzmetkerlerın oqiǧa ornyna şaqyru üşın, olarǧa bırden habarlastym. Alaida, olar kelgenşe kütıp tūrmai, ışınde adam joq pa eken dep qatty alaŋdadym. Mende eşqandai qorqynyş bolmady. Eŋ basty missiiam, ışınde adam bolǧan jaǧdaida, solardy aman alyp şyǧu boldy. Bastysy olar aman-esen. Men sol üşın quanyştymyn, — deidı ol.
Aita keteiık, Dauren Jambaev bügınde 5 bala tärbielıp otyr. Ol, Semei qalasy Nazarbaev ziiatkerlık mektebı direktorynyŋ qarjy-şaruaşylyq ısı jönındegı orynbasary qyzmetın atqarady.
”Adyrna” ūlttyq portaly
