Qasıetti ramazan aıynda Astanadaǵy Áziret Sultan meshiti qyzmetkerleri aýyzasharǵa kelgen qart kisini julqylap shyǵaryp jibergen. Osy jaǵdaıǵa kýá bolǵan jýrnalıst Asaýbek Aıymbetov oqıǵanyń qalaı bolǵanyn Instagaram-paraqshasyna jazdy.
«Jazaıyn ba, jazbaıyn ba uzaq oılandym. Bul kórinis kóz aldymnan ketpeı, júregime qadalyp qaldy. Osy juma kúni áriptesim ekeýmiz Astanadaǵy Áziret Sultan meshitine bardyq aýyzasharǵa. Qazir Alla úıindegi aýyzasharǵa talonmen ótkizedi eken. Kirdik. Áriptesim qyz bolǵandyqtan, áıelder zalyna kirdik. Kóz júgirtip óttim. Erler men áıelder aralasyp otyrǵan ústelder de bar eken. Munyń aldynda jańaǵy áriptesim kil erlerdiń ortasynda, meniń qasymda otyrǵan edi. Hosh, sonymen aýyzashar bastaldy. Hıdjab kıgen qyz keldi de: «Men er adammen bir ústelde as ishpeımin» dep minezin kórsete bastady. Ákimgerdi shaqyryp, ol azamat meni ózge ústelge aýystyratyn boldy. Sol sátte óte yńǵaısyz kóriniske tap boldym. Talonsyz, shaqyrýsyz kelgen qazaq ájeı ústel basynda as iship otyrǵan jerinen, ony admınstrator julqylaı bastady. «Shyǵyńyz, ereje bar, talap bar» dep samaıyn aq shalǵan keıýanany kóptiń kózinshe masqaralaı bastady. Tipti kúzetshilerdi shaqyrdy. Meniń kózim atyzdaı boldy. Qasıetti Ramazan aıynda, meıirim men tazalyq mekeni meshitte osyndaı jaǵdaı bolady dep oılamappyn. Allanyń úıinde aıqaı shyǵyp, jupyny kıingen miskin ájeıdi julqylaıdy dep kim oılaǵan? Bul máseleni ózgeshe sheshýge bolmas pa edi? Uıattan buryn, bul sumdyq kórinis! Kásipkerlerdiń qarajatyna jasalyp otyrǵan aýyzasharda jaǵdaıy joq keıýanany syrtqa qýý qaı sharıǵatta kórsetilgen? Menen meshit qyzmetkerleri keshirim surady! Meni qoıshy, ana ájeıden eshkim keshirim suramady-aý dep áli uıqym tórt bólinip júr! Alla úıindegi oqıǵa men úshin shok!
Astana dúleı daýyl men tolassyz jańbyr ordasyna aınalmaı qaıtedi, el tilegi men úmiti janǵan Alla úıinde álgindeı oqıǵalar bolyp jatqanda! Meni meshit qyzmetkerleri keri shaqyrǵanda, kirmedim. Úıge tarttym tike. Mundaı jerde otyrǵansha, úıden as ishkenim 10 ese artyq. Ájeı ishte qaldy. Ári qaraıǵy taǵdyry maǵan beımálim. Sol kúni men jarytyp as ishpedim. Áriptesim kýá», – dep jazdy jýrnalıst Asaýbek Aıymbetov.
Aıta keteıik, Áziret Sultan meshiti ramazannyń sonyńa deıin aýyzashar beredi. Talondy tek aqsham namazyna kelgender ǵana ala alady- dep túıdi, SN KZ aqparattyq portaly
http://qasym.kz
