Qasiettı ramazan aiynda Astanadaǧy Äzıret Sūltan meşıtı qyzmetkerlerı auyzaşarǧa kelgen qart kısını jūlqylap şyǧaryp jıbergen. Osy jaǧdaiǧa kuä bolǧan jurnalist Asaubek Aiymbetov oqiǧanyŋ qalai bolǧanyn Instagaram-paraqşasyna jazdy.
«Jazaiyn ba, jazbaiyn ba ūzaq oilandym. Būl körınıs köz aldymnan ketpei, jüregıme qadalyp qaldy. Osy jūma künı ärıptesım ekeumız Astanadaǧy Äzıret Sūltan meşıtıne bardyq auyzaşarǧa. Qazır Alla üiındegı auyzaşarǧa talonmen ötkızedı eken. Kırdık. Ärıptesım qyz bolǧandyqtan, äielder zalyna kırdık. Köz jügırtıp öttım. Erler men äielder aralasyp otyrǧan üstelder de bar eken. Mūnyŋ aldynda jaŋaǧy ärıptesım kıl erlerdıŋ ortasynda, menıŋ qasymda otyrǧan edı. Hoş, sonymen auyzaşar bastaldy. Hidjab kigen qyz keldı de: «Men er adammen bır üstelde as ışpeimın» dep mınezın körsete bastady. Äkımgerdı şaqyryp, ol azamat menı özge üstelge auystyratyn boldy. Sol sätte öte yŋǧaisyz körınıske tap boldym. Talonsyz, şaqyrusyz kelgen qazaq äjei üstel basynda as ışıp otyrǧan jerınen, ony adminstrator jūlqylai bastady. «Şyǧyŋyz, ereje bar, talap bar» dep samaiyn aq şalǧan keiuanany köptıŋ közınşe masqaralai bastady. Tıptı küzetşılerdı şaqyrdy. Menıŋ közım atyzdai boldy. Qasiettı Ramazan aiynda, meiırım men tazalyq mekenı meşıtte osyndai jaǧdai bolady dep oilamappyn. Allanyŋ üiınde aiqai şyǧyp, jūpyny kiıngen mıskın äjeidı jūlqylaidy dep kım oilaǧan? Būl mäselenı özgeşe şeşuge bolmas pa edı? Ūiattan būryn, būl sūmdyq körınıs! Käsıpkerlerdıŋ qarajatyna jasalyp otyrǧan auyzaşarda jaǧdaiy joq keiuanany syrtqa quu qai şariǧatta körsetılgen? Menen meşıt qyzmetkerlerı keşırım sūrady! Menı qoişy, ana äjeiden eşkım keşırım sūramady-au dep älı ūiqym tört bölınıp jür! Alla üiındegı oqiǧa men üşın şok!
Astana dülei dauyl men tolassyz jaŋbyr ordasyna ainalmai qaitedı, el tılegı men ümıtı janǧan Alla üiınde älgındei oqiǧalar bolyp jatqanda! Menı meşıt qyzmetkerlerı kerı şaqyrǧanda, kırmedım. Üige tarttym tıke. Mūndai jerde otyrǧanşa, üiden as ışkenım 10 ese artyq. Äjei ışte qaldy. Ärı qaraiǧy taǧdyry maǧan beimälım. Sol künı men jarytyp as ışpedım. Ärıptesım kuä», – dep jazdy jurnalist Asaubek Aiymbetov.
Aita keteiık, Äzıret Sūltan meşıtı ramazannyŋ sonyŋa deiın auyzaşar beredı. Talondy tek aqşam namazyna kelgender ǧana ala alady- dep tüidı, SN KZ aqparattyq portaly
http://qasym.kz
