Qazaqstan Respublikasynyŋ senatorlary Almatydaǧy joǧary oqu oryndarynyŋ ūjymdarymen kezdestı, dep habarlaidy “Adyrna” ūlttyq portaly.
Kezdesudıŋ basty maqsaty elımızde 5 mausymda ötetın respublikalyq referendumdy tüsındıru, osy taqyryp aiasynda pıkır almasu boldy.
Jalpyhalyqtyq sipat alatyn saiasi nauqan barysynda senatorlar Qazaqstan injenerlık-tehnologiialyq universitetıne de arnaiy keldı. Olardyŋ qatarynda senat deputattary Baqytjan Jūmaǧūlov, Dinar Nüketaeva, Talǧat Mūsabaev, Nūrtöre Jüsıp, Sūltanbek Mäkejanov jäne «Tūran» universitetınıŋ rektory, Almaty qalasy Qoǧamdyq keŋesınıŋ töraǧasy, Qazaqstan Respublikasy Joǧary oqu oryndary qauymdastyǧynyŋ Prezidentı Rahman Alşanov bar. Kezdesude Qazaqstan injenerlık-tehnologiialyq universitetınıŋ rektory Gülnar Särsenbekova 5 mausymda ötetın referendumnyŋ el tarihyndaǧy maŋyzdylyǧyna toqtalyp, Konstitusiiaǧa özgerıster men tolyqtyrular engızu jönınde referendum demokratiialyq joldyŋ aiqyn körınısı degen pıkırın jetkızdı. El bolaşaǧynda maŋyzdy oryn alatyn referendum jaily kezdesu ötkızuge arnaiy kelgen qonaqtarǧa alǧysyn bıldırdı.
«QazİTU ūjymynyŋ Jaŋa Qazaqstandy qūru jolyndaǧy demokratiialyq özgerıster üşın jauapty kezeŋdı zor tüsınıkpen qabyldaidy. Memleketbasşysynyŋ Qazaqstan Konstitusiiasyna özgerıster men tolyqtyrular engızu boiynşa respublikalyq referendum ötkızu turaly bastamasyn qoldaidy. Referendum qoǧamnyŋ demokratiialyq prosesterge aralasuyna, Jaŋa Qazaqstandy qūru jolyndaǧy demokratiialyq özgerısterge jol aşuǧa ülken mümkındık», - deidı rektor Gülnar Älıbekqyzy.
Qazaqstan Respublikasynyŋ senatorlary bılım ordasymen tanysyp, bolaşaq mamandardy daiarlap jatqan joǧary oqu ornynyŋ ūjymymyn keŋesıp, referendum jaily tüsındıru jūmystaryn jürgızdı. Universitettıŋ tehnikalyq, bazalyq jabdyqtaluymen tanysyp, student jastarǧa myqty maman boludy tıledı.
Senat deputattary Konstitusiiaǧa ūsynylyp otyrǧan özgerıster men tolyqtyrular Qazaqstannyŋ ärbır azamatynyŋ negızgı qūqyqtary men kepıldıkterın, qoǧamdaǧy tūraqtylyq pen bırlıktı qorǧauǧa baǧyttalǧanyn baiandap, mūndai referendumda belsendılık tanytuǧa, jaŋa Qazaqstandy qūrudan tys qalmauǧa ündedı. Täuelsız Qazaqstan tarihynda oryn alǧaly otyrǧan saiasi özgerısterdı bırge jasauǧa şaqyrdy.
”Adyrna” ūlttyq portaly
