Memleket basşysy Qasym-Jomart Toqaev qazaqstandyqtardy Halyqaralyq balalardy qorǧau künımen qūttyqtady, dep habarlaidy «Adyrna» tılşısı Aqordaǧa sılteme jasap.
«Halyqaralyq balalardy qorǧau künı – erekşe quanyş pen meiırımge toly şuaqty meiram. Balanyŋ külkısı men baqytynan artyq eşteŋe joq ekenın osy merekede bärımız aiqyn sezınemız. Öskeleŋ ūrpaqtyŋ jan-jaqty damuyna qolaily jaǧdai jasau – memleketımızdıŋ basty mındetınıŋ bırı. Bız zamanaui mektepter men jaily balabaqşalar salyp, innovasiialyq ortalyqtar, oquşylar sarailaryn jäne sport keşenderın aşyp jatyrmyz. Üiırmeler men seksiialar da ūiymdastyrylǧan. «Balalar jyly» aiasynda köptegen jaŋa jobalar qolǧa alyndy. Ärbır balanyŋ talabyn ūştap, darynyn aşudy közdeitın türlı ıs-şaralar jüzege asyryluda. Memleket jyldan jylǧa būl baǧyttaǧy jūmysty küşeite tüsedı. Öitkenı, jas ūrpaqtyŋ myqty azamat bolyp ösuı elımızdıŋ tūraqty damuyna jäne baiandy bolaşaǧyna jol aşady. Jas qazaqstandyqtardy jäne barşa jūrtty osy jarqyn merekemen qūttyqtaimyn! Sızderge zor densaulyq, baq-bereke tıleimın!»— dedı Prezident.
