Bügın Syr elınde Halyqaralyq balalardy qorǧau künıne arnalǧan «Baq Ordanyŋ baqytty balalary» saltanatty şarasy ötkızıldı. 6000-ǧa juyq bala qatysqan dumandy şara merekelık atributtarmen aişyqtaldy.
Ortalyq stadionda ūiymdastyrylǧan ıs-şaraǧa aimaq basşysy Nūrlybek Nälıbaev qatysyp, balalardyŋ qolynan şyqqan qolöner būiymdary ornalasqan arnaiy körmenı aralap kördı. Sondai-aq, oquşylar üiınen aşylǧan arnaiy studiiada jurnalistikaǧa maşyqtanyp jürgen balalarǧa da sūhbat berıp, tıldestı.
Oblys äkımı barşa syrboiylyq balalardy merekemen qūttyqtap, aqjarma tılegın arnady.
- Barşaŋyzdy 1 mausym – Halyqaralyq balalardy qorǧau künımen şyn jürekten qūttyqtaimyn! Bügın balalarymyz üşın esten ketpes keremet mereke!
Bız el bolaşaǧy – bılıktı de bılımdı ūrpaq qalyptastyruda barlyq mümkındıkterge jol aşamyz.
Biyl äleumettık qoldaudy qajet etetın 500 balaǧa sport keşenderıne tegın abonement berıldı. Sondai-aq,ata-anasynyŋ qamqorlyǧynsyz qalǧan 1030 bala jaŋa tiptegı elektrondy oqu qūraldarymen qamtamasyz etıldı.
Jazǧy mausym kezeŋınde 1 men 10 synyp aralyǧyndaǧy oquşylardyŋ 97 paiyzy är türlı sauyqtyru, jūmyspen qamtu, üiırme, ekskursiiamen qamtylatyn bolady.
"Balalar jylyna" tartu retınde biyl demeuşıler esebınen qalamyzda 1 mlrd. teŋgege 50-ge tarta, odan bölek audandarǧa 30-dan astam sport-oiyn alaŋdary paidalanuǧa berıledı.
Sonymen qatar, josparǧa säikes 400-den asa ırı kölemdı şara ötkızılıp, oǧan 165 myŋnan astam bala qamtylatyn bolady» - dedı oblys äkımı Nūrlybek Nälıbaev.
Merekelık ıs-şaranyŋ negızgı bölıgı – balalarǧa syilyqtardy ülestırumen jalǧasty. Oblys äkımı Nūrlybek Nälıbaev halyqaralyq, respublikalyq bılım dodalarynda jeŋımpaz atanǧan 10 balaǧa noutbuk syiǧa tartty. Al, ata-anasynyŋ qamqorlyǧynsyz qalǧan 100 balaǧa velosiped tabystady. Sondai-aq, är audanda 50 balaǧa velosiped berıldı.
Mūnan bölek, türlı äleumettık sanattaǧy otbasylardan şyqqan, oquda üzdık atanǧan 20 oquşyǧa Kökşetau qalasyndaǧy lagerge joldama aldy.
Aita keteiık, jyl soŋyna deiın atauly data aiasynda 408 ırı kölemdı şara ötkızılıp, 165 myŋnan astam balaqamtylady.
Merekelık şara tanymal estrada jūldyzdarynyŋ qatysuymen konserttık baǧdarlamaǧa ūlasty.
