Qyzylorda qalasynyŋ «Öner ortalyǧynda» oblys äkımı Nūrlybek Nälıbaevtyŋ qatysuymen «Zaŋ jäne Tärtıp» qoǧamdyq qauıpsızdıktı küşeitu men özara ıs-qimyldyŋ basymdyqtary» taqyrybynda forum öttı.
Alqaly jiynǧa QR Parlament Senaty men Mäjılısınıŋ deputattary Nauryzbai Baiqadamov, Mūrat Äbenov, Marhabat Jaiymbetov, Abzal Qūspan, oblys prokurory Rizabek Ojarov, qūqyq qorǧau organdary men jauapty sala basşylary, qoǧam qairatkerlerı, ziialy qauym ökılderı qatysty.
Aimaq basşysy qoǧamdyq qauıpsızdık pen zaŋdylyqty qamtamasyz etu baǧytynda atqarylǧan jūmystarǧa toqtalyp, aldaǧy bırlesken maŋyzdy mındetterdı aiqyndady.
«Biyl 1 säuırde Ükımet qaulysymen «Qoǧamda zaŋ men tärtıp ideologiiasyn ılgerıletu jönındegı 2025 – 2030 jyldarǧa arnalǧan tūjyrymdama» bekıtılıp, naqty mındetter belgılendı.
Öŋırımızde «Zaŋ men Tärtıp» qaǧidasyn ıske asyruda oblys prokurory Rizabek Kärımūlymen bırlesıp keşendı şaralardy qolǧa alyp, jaŋa bastamalarǧa üzdıksız qoldau körsetıp kelemız.
Qūqyq qorǧau organdarymen bırlese jürgızılgen keşendı ärı üilesımdı şaralardyŋ nätijesınde öŋırımızde ahual tūraqty. Statistikalyq aqparattardy salystyrmaly türde qarasaq, aimaqta 2015 jyly 6 myŋǧa juyq qylmys tırkelgen bolsa, naqty jūmys nätijesınde būl körsetkış 1158-ge deiın azaidy. Soŋǧy üş jylda qūqyq būzuşylyq körsetkışı edäuır qysqardy.
Bügınde tırkelgen qylmystyq qūqyq būzuşylyq sany boiynşa Qyzylorda oblysy respublikadaǧy eŋ tömengı pozisiiada, iaǧni 20 öŋırdıŋ ışınde 19-şy oryndamyz. Bızdıŋ mındet – tek körsetkıştı ǧana emes, qūqyq būzuşylyqty tūraqty türde tömendetu.
Jol-kölık oqiǧalaryn azaituda jol infraqūrylymyn damytuǧa basymdyq berdık. Türlı gadjetter men smartfondaǧy baǧdarlamalar kömegımen jasalatyn alaiaqtyq, kiberşabuyl shemalary sät saiyn özgerıp jaŋaruda. Qarjy piramidalary, ludomaniia, internet bulling azamattardy qiyn jaǧdaida qaldyruda.
Müddelı qūqyq qorǧau organdary qolda bar resurstarmen şektelmei, qylmystyq äreketterge tosqauyl qoiatyn jaŋa tetıkterdı damytuy tiıs. Osy baǧyttaǧy qylmystardy anyqtauda jasandy intellekttı paidalanu – ornyqty şeşımnıŋ bırı. Bügıngı forum – bızdıŋ aldaǧy jūmystarymyzdy jaŋa formasiiada jürgızuge öz septıgın tigızedı dep senemın», – dedı N.Nälıbaev.
Basqosuda oblys prokurorynyŋ orynbasary Nūrbolat Düisenbaev, Parlament Senatynyŋ deputaty Nauryzbai Baiqadamov, memleket jäne qoǧam qairatkerı Orazkül Asanǧazy, Parlament Mäjılısınıŋ deputattary Mūrat Äbenov pen Abzal Qūspan söz söilep, forum jūmysyna sättılık tıledı.
Qūqyq būzuşylyqtardyŋ aldyn aluda erekşe belsendılık tanytyp, kiberkeŋıstıktegı zaŋsyz äreketterdıŋ jolyn kesuge üles qosqan mamandarǧa oblys äkımınıŋ syilyq sertifikattary men oblys prokurorynyŋ Alǧys haty tabystaldy.
Soŋǧy üş jylda polisiia organdarynyŋ materialdyq-tehnikalyq bazasyn jaqsartuǧa oblystyq biudjetten 8 mlrd.teŋgege juyq qarjy bölındı. Biyl būl maqsatqa 2 mlrd. 800 mln. teŋge qaralyp, zamanaui qūrylǧylarmen, jabdyqtarmen qamtamasyz etılude.
Respublikada alǧaşqy bolyp oblystyŋ barlyq audanynda polisiia bölımderınıŋ Jedel basqaru ortalyqtary aşyldy.
Qauıpsızdıktı küşeitu, jedel äreket etu maqsatynda beinebaqylau kameralarynyŋ jelısı köbeitıldı.
Barlyq audanǧa qūny 2 mlrd. 200 mln. teŋge bolatyn 539 beinebaqylau, 49 jyldamdyq ölşeitın kamera ornatyldy. Soŋǧy jyldary polisiia qyzmetkerlerıne zamanui qūrylǧylarmen jabdyqtalǧan 128 jaŋa avtokölık tabystaldy.
Biyl taǧy 31 qyzmettık avtokölık tapsyrylyp, arnaiy qūral-jabdyqtar köbeimek. Būl maqsattaǧy jūmystar aldaǧy uaqytta da jalǧasyn tabady. Aşyqtyq qaǧidatyna säikes qala, audandarda qūqyq qorǧau organdarynyŋ bırınşı basşylarymen bırge qoǧamdyq qabyldaular tūraqty ötkızılıp keledı. Būl öz kezegınde tūrǧyndardyŋ memlekettık organdarǧa degen senımdılıgın arttyryp, ädılettı qoǧam qūruǧa tyŋ serpın bermek.
